जळगाव लाईव्ह न्यूज | २७ एप्रिल २०२२ । शहरातील महामार्गावर विद्युत राेषणाईच्या कामासाठी प्रत्यक्षात सुरुवात झाली आहे. तब्बल ३५० पाेल उभारणीसाठी पुणे येथील मक्तेदाराकडून दाेन पाेलमधील अंतर माेजणी व रेखांकनाचे काम हाती घेण्यात आल्याने आता काम पूर्ण होईल असे सांगितले जात आहे.
सदर पोल उभारणीचे काम जूनअखेर पूर्ण हाेईल, असा दावा केला जाताे आहे. महामार्गावर कालिंकामाता मंदिरापासून खाेटेनगरपर्यंत सुमारे ८ किलाेमीटर अंतरावर महामार्गाच्या मध्यभागी व अंडरपासच्या दाेन्ही बाजूने विद्युत पाेल उभारून पथदिवे लावण्यात येणार आहेत. त्यासाठी २० मीटर, १२ मीटर व ९ मीटर उंचीचे ३५० पाेल उभारणीचे काम पुढच्या आठवड्यात केले जाणार असल्याचे सूत्रांकडून सांगण्यात आले.