जळगाव लाईव्ह न्यूज । १७ मार्च २०२१ । तालुक्यातील 8 गावांना जोडणाऱ्या जिल्हा परिषद 30/54 बजेट मधून जवळपास एक कोटी रुपायांच्या रस्त्यांच्या कामाला मंजुरी मिळून सुरुवात झाली असून ही कामे मार्च अखेर पूर्ण झाली पाहिजे होती. मात्र आत्ताच कामांना सुरुवात झाल्याने मुदतीत कामे होत नसल्याने जि प च्या कामकाजावर प्रशचिन्ह निर्माण झाले आहे.
शिवाय पिंपरखेड तांडा येथे 14 वा वित्त आयोगाचे काम आमदार निधीचे दाखवून कामात अफरातफर करणाऱ्या शाखा अभियंता व ठेकेदार यांची चौकशी होऊन कारवाई होत नसल्याने जि प बांधकाम विभागाच्या कामकाजावर प्रश्नचिन्ह निर्माण झाले आहे.
चाळीसगाव तालुक्यातील भवाळी ते डस्केबर्डी (30 लाख), चिंचगव्हाण ते दहिवद (20 लाख), करजगाव ते शिंदी (30 लाख), देवळी ते पिंप्री (20 लाख) असे एकूण जवळपास एक कोटी रुपयांचे खडीकरण व डांबरीकरण रस्त्याचे काम मंजूर असून ही कामे मंजूर असताना चाळीसगाव जि प बांधकाम विभागाला अद्याप वर्क ऑर्डर व इस्टीमेट देखील प्राप्त नाही शिवाय ही कामे मार्च अखेर पूर्ण करावयाची असताना आता फक्त काही रस्त्यांवर खडी टाकली आहे तर काही ठिकाणी खडी पसरवणे सुरू असल्याची माहिती सूत्रांनी दिली आहे.
मार्च महिना संपायला फक्त काही दिवस शिल्लक असतांना मुदतीत ही काही होतील का ? असा सवाल उपस्थित होऊन जिल्हा परिषदेच्या बांधकाम विभागाच्या कामकाजावर प्रश्नचिन्ह उपस्थित होत आहे.
दरम्यान तालुक्यातील पिंपरखेड तांडा येथे मागील वर्षी पेव्हर ब्लॉक कामात घोटाळा झाला होता राम मंदिराच्या जवळ आमदार निधीचे 2 लाख 96 हजाराचे व त्याच जागेवर 14 वा वित्त आयोगाचे काम मंजूर होते शाखा अभियंता व ठेकेदाराने आमदार निधीचे काम न करता 14 वा वित्त आयोगाचे काम दाखवून पूर्ण निधी हडप केला होता याबाबत तक्रार झाल्यावर संबंधित शाखा अभियंता यांच्यावर ठपका ठेवून चौकशी देखील झाली होती तेव्हा ठेकेदार व शाखा अभियंता यांनी शेजारीच थोडेफार काम करून झालेला प्रकार दडपण्याचा प्रयत्न केला होता याबाबत चौकशी होऊन अद्याप शाखा अभियंता व ठेकेदार यांच्यावर काहीच कारवाई न झाल्याने देखील आश्चर्य व्यक्त होत आहे.