जळगाव लाईव्ह न्यूज । २३ एप्रिल २०२२ । येथील गंधर्वी कथ्थक नृत्यालयतर्फे दि २४ रविवार रोजी सायंकाळी ७ वाजता बालगंधर्व खुले नाट्यगृह येथे प्रवाह- कथ्थक नृत्याचा पारंपरिक ते आधुनिक प्रवास या कार्यक्रमाचे आयोजन करण्यात आले आहे.
या कार्यक्रमातून कथ्थक नृत्य किती साध्या सोप्या पध्दतीने शिकता येते. तसेच ते आकर्षकरीत्या सादर करता येऊ शकते हे यातून मांडण्याचा प्रयत्न केला जाणार आहे. कार्यक्रमाचे नृत्य दिग्दर्शन जास्मिन गाजरे यांनी केले आहे. कार्यक्रमात आंतरराष्ट्रीय पातळीवर नृत्य स्पर्धा जिंकून देणाऱ्या गंधर्वी कथ्थक नृत्यालयाच्या शिष्या आपले नृत्य सादर करणार आहेत. कार्यक्रमाला रुख्मिणी फाउंडेशन, रुख्मिणी मिड टाऊन, लेवा सम्राज्ञी फाउंडेशन, लेवा सखी घे भरारी यांचे सहकार्य आहे.
