जळगाव लाईव्ह न्यूज । २ मे २०२२ । चेन्नई सुपर किंग्जचे कर्णधारपद मिळाल्यानंतर महेंद्रसिंग धोनीने विजयाने सुरूवात केली. काल रविवारी १मे रोजी झालेल्या सामन्यात चेन्नईने हैदराबादचा १३ धावांनी पराभव केला. सामना झाल्यानंतर धोनीने कर्णधारपद आणि रविंद्र जडेजा याच्याबद्दल मोठा खुलासा केला. मी कर्णधार म्हणून काही वेगळ केले नाही. कारण कर्णधार बदलल्याने बदल गरजेचे नसतात. आम्ही चांगली धावसंख्या उभी केली होती. गोलंदाजांनी देखील चांगली कामगिरी केली. विशेषत: ७ ते १४ या ओव्हरमध्ये फिरकीपटूंनी चांगली कामगिरी केली ज्यामुळे विजय मिळवता आला.
कर्णधार पद ही माझी जडेजामधील गोष्ट
धोनीला रविंद्र जडेजाचे कर्णधारपद सोडण्याबद्दल विचारण्यात आले. त्यावर तो म्हणाला, जडेजाला गेल्या हंगामात माहिती होते की तो या वर्षी कर्णधार होणार आहे. ही माझी आणि जडेजामधील गोष्ट होती, माझ्या मते त्याच्याकडे तयारीसाठी भरपूर संधी होती. पहिल्या दोन सामन्यात मी त्याचे काम केले, पण त्यानंतर कर्णधार म्हणून त्याचे निर्णय त्याला घेण्यास सांगितले. कर्णधार म्हणून निर्णय घ्यावे लागतील आणि ती तुझी जबाबदीर असल्याचे म्हटले.
..म्हणून धोनीकडे जबाबदारी सोपवण्यात आली.
कर्णधारपद मिळाल्यानंतर अपेक्षा वाढतात, ज्यामुळे खेळाडूच्या कामगिरीवर परिणाम होत असतो. त्याच्या सोबत देखील असेच झाले. जडेजाच्या तयारीवर परिणाम झाला. तो पूर्वी प्रमाणे फलंदाजी आणि गोलंदाजी करू शकत नव्हता, असे धोनीने म्हटले. आम्हाला असा जडेजा हवा होता जो फलंदाजीत, गोलंदाजीत आणि क्षेत्ररक्षणातून संघाला विजय मिळून देईल.आयपीएल २०२२च्या दोन दिवस आधी धोनीने चेन्नईचे नेतृत्व सोडले आणि जडेजाकडे जबाबदारी सोपवण्यात आली. पण जडेजाच्या नेतृत्वाखाली चेन्नईला चांगली कामगिरी करता आली नाही. त्यामुळे पुन्हा धोनीकडे जबाबदारी सोपवण्यात आली.