जळगाव लाईव्ह न्यूज । ९ जुलै २०२५ । गुजरातमधील वडोदरा जिल्ह्यातून एक हृदयद्रावक बातमी आली आहे, जिथे आज बुधवारी सकाळी वडोदरा आणि आणंदला जोडणारा गंभीरा पूल अचानक कोसळला. अपघाताच्या वेळी पुलावर अनेक वाहने होती, जी नदीत कोसळली. या दुर्घटनेत आतापर्यंत तीन जणांचा मृत्यू झाल्याचे वृत्त आहे. सध्या बचावकार्य सुरू आहे. किती वाहने खाली पडली, किती लोक नदीत पडले आहेत, याबाबत अधिकृत माहिती समोर आलेली नाही.
પાદરા પાસે મુજપુર ગંભીરા બ્રિજ વહેલી સવારે અચાનક વચ્ચેથી તૂટી ગયો, અનેક વાહનો નદીમાં પડ્યા વાહનચાલકોની શોધખોળ શરૂ કરાઈ. સ્ટેટ R&B વિભાગના અધિકારીઓની લાલીયાવાડી, બેદરકારીના કારણે મોટી દુર્ઘટના સર્જાઈ #viral #reels #video #vadodara #trending #gujarat #bridge #collapse #government pic.twitter.com/A4GLJYWpxz
— RAVI MACHHI (@ravinvarma) July 9, 2025
वडोदरा आणि आणंद जिल्ह्यांना जोडणारा गंभीरा पूल महिसागर नदीवर बांधण्यात आला होता. प्रत्यक्षदर्शींच्या मते, सकाळी अचानक पुलाचा एक भाग मोठ्या आवाजात नदीत कोसळला, ज्यामुळे ४-५ वाहने थेट नदीत पडली. प्रशासनाला घटनेची माहिती मिळताच, स्थानिक पोलिस आणि अग्निशमन विभागाच्या पथकांनी तातडीने घटनास्थळी पोहोचून बचाव कार्य सुरू केले.
या अपघातात तीन जणांचा मृत्यू झाला. अनेक वाहने नदीत कोसळल्याने मोठ्या जीवितहानीची भीती आहे. पूल कोसळल्याने वडोदरा आणि आणंदमधील संपर्क पूर्णपणे विस्कळीत झाला आहे. दोन्ही बाजूंच्या रस्त्यांवर वाहनांच्या लांब रांगा लागल्या आहेत. पोलिसांनी वाहतूक वळवली आहे आणि पर्यायी मार्ग घेण्याचे आवाहन केले आहे. आता वडोदराहून आणंदला जाण्यासाठी लोकांना सुमारे ४० किमीचा अतिरिक्त वळसा घ्यावा लागेल, ज्यामुळे सर्वसामान्यांची मोठी गैरसोय होईल.
