जळगाव लाईव्ह न्यूज । ३० डिसेंबर २०२१ । सावखेडा शिवारातील पोतदार शाळेजवकाल शांतीनगरातील कैलास बाबुराव चव्हाण (वय ४०) यांच्या घरातून अज्ञात चोरट्यांनी घरात प्रवेश करून रोकड आणि दागिने लंपास केले आहे. याप्रकरणी चव्हाण यांच्या फिरयादीवरून अज्ञात चोरट्यांविरोधात गुन्हा दाखल झाला आहे.
सविस्तर असे की, कैलास बाबुराव चव्हाण (वय ४०) रा. शांतीनगर पोतदार शाळेच्या मागे, सावखेडा शिवार जळगाव हे मजुरी काम करून आपल्या कुटुंबाचा उदरनिर्वाह करतात. २८ ते २९ डिसेंबर रोजी दरम्यान अज्ञात चोरट्यांनी घरात प्रवेश करत घरातील ६० हजार रुपयांची रोकड आणि १० हजार रुपये किमतीचे सोन्याचे दागिने लंपास केल्याचे उघडकीस आले आहे. याप्रकरणी कैलास चव्हाण यांनी तालुका पोलिस ठाण्यात धाव घेऊन अज्ञात चोरट्यांविरोधात तक्रार दिली. त्यांच्या तक्रारीवरून २९ डिसेंबर रोजी दुपारी तालुका पोलीस ठाण्यात अज्ञात गुन्हा दाखल करण्यात आला आहे. पुढील तपास पोहेकॉ हरिलाल पाटील करीत आहे.
हे देखील वाचा :
- गॅस गळतीमुळे सहा घरे जळून खाक ; एकाच दिवसात जिल्ह्यात आगीची दुसरी घटना
- जळगावात एमआयडीसीत केमिकल कंपन्यांना भीषण आग ; अनेक कर्मचारी अडकल्याची भीती
- दाऊद, छोटा शकील गँगकडून नाथाभाऊंना जीवे मारण्याची धमकी ; राजकीय वर्तुळात खळबळ
- शेअर ट्रेडिंगमध्ये 15 हजार कमावले, पण 32 लाख गमावले ! जळगावात दोघांविरुद्ध गुन्हा
- दुचाकी अपघातात 22 वर्षीय तरुणाचा मृत्यू ; एरंडोल तालुक्यातील घटना