जळगाव लाईव्ह न्यूज । ९ जानेवारी २०२४ । घरफोडीचे सत्र सुरूच असून भुसावळ शहरात व्यापाऱ्याचे बंद घर फोडून चोरट्यांनी लाखो रुपयांचा ऐवज चोरून नेल्याचा प्रकार समोर आला हे. याबाबत भुसावळ बाजारपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत असे की, भुसावळ शहरातील पटेल कॉलनीत परिवारासह वास्तव्यास असलेले इम्तीयाज मोहम्मद युनूस बागवान (वय ४०) व्यापारीचे काम करून आपला उदरनिर्वाह करत असतात. रविवारी ७ जानेवारी रोजी सकाळी ८ ते घर बंद करून कामानिमित्त बाहेर गेले होते.
दरम्यान अज्ञात चोरट्यांनी घर बंद असल्याचा फायदा घेत घरातून ५ लाख ४५ हजार रूपये किंमतीचे सोन्याचे दानिगे चोरून नेले. इम्तीयाज बागवान हे रात्री ८.३० वाजता घरी आले तेव्हा घरात चोरी झाल्याचे दिसून आले. त्यांनी भुसावळ बाजारपेठ पोलीसांना घटनेची माहिती दिली. पोलीसांनी घटनास्थळी धाव घेवून पंचनामा केला. याप्रकरणी सोमवारी ८ जानेवारी रोजी दुपारी दीड वाजता भुसावळ बाजारपेठ पोलीस ठाण्यात फिर्याद देण्यात आली. त्यानुसार अज्ञात चोरट्यांविरोधात गुन्हा दाखल करण्यात आला. पुढील तपास सहाय्यक पोलीस निरीक्षक शंकर भोये हे करीत आहे.
