जळगाव लाईव्ह न्यूज । ३१ डिसेंबर २०२१ । चोपडाचे नगरसेवक अशोक बाविस्कर यांच्या विद्याविहार कॉलनीतील घराच्या चोरट्यांनी कडी कोयंडा तोडून २५ हजार किंमतीचा टीव्ही व ४० हजारांची रोकड असा एकूण ६५ हजारांचा मुद्देमाल लंपास केल्याची घटना २९ रोजी घडली. या प्रकरणी बाविस्कर यांच्या फिर्यादीवरून शहर पोलिसात गुन्हा दाखल झाला.
नगरसेवक बाविस्कर २२ रोजी आपल्या कुटुंबासह शहरातील बारी वाड्यातील जुन्या घरी रेशन वाटप करण्यासाठी गेले होते. २९ रोजी सकाळी त्यांच्या विद्याविहार कॉलनीतील, दुमजली घरातील भाडेकरू सतीश सोनवणे यांनी त्यांना फोन करून चोरी झाल्याची माहिती कळवली. त्यांच्या घरातील दरवाजाचे कुलूप व कडी तोडून चोरट्यांनी आत प्रवेश केला होता. माहिती मिळाल्यावर बाविस्कर यांनी त्वरित घर गाठले. त्यावेळी ६५ हजारांचा मुद्देमाल लंपास झाल्याचे त्यांच्या लक्षात आले. त्यांनी दिलेल्या फिर्यादीवरून चोपडा शहर पोलिसात गुन्हा दाखल झाला.
हे देखील वाचा :
- कर्जबाजारीपणा अन् नैराश्यातून अमळनेरातील तरुण शेतकऱ्याने उचललं धक्कादायक पाऊल
- अट्टल मोटारसायकल चोर पाचोरा पोलिसांच्या जाळ्यात ; चार दुचाकी हस्तगत
- चोपड्यात अमली पदार्थांवर पोलिसांचा दणका; ७ किलो गांजासह तीन तस्करांना अटक!
- जळगावात अज्ञात वाहनाच्या धडकेत दुचाकीस्वाराचा जागीच मृत्यू
- भडगाव हादरले ! दारूच्या पैशांवरून पत्नीची निर्घृण हत्या, आरोपी पती अटकेत
