जळगाव लाईव्ह न्यूज । कमी बजेटमध्ये दमदार 5G स्मार्टफोन खरेदी करू इच्छिणाऱ्या ग्राहकांसाठी भारतीय कंपनी लावा इंटरनॅशनलने नवा पर्याय बाजारात आणला आहे. कंपनीने आपला नवीन बजेट स्मार्टफोन ‘Lava Shark 2 5G’ भारतात लॉन्च केला असून या फोनची सुरुवातीची किंमत केवळ ११,९९९ रुपये ठेवण्यात आली असून तो बजेट सेगमेंटमध्ये एक उत्तम पर्याय ठरतो.
कंपनीने लावा शार्क 2 5G फक्त एकाच व्हेरिएंटमध्ये लॉन्च केला आहे, ज्यामध्ये 4GB रॅम आणि 64GB स्टोरेज मिळते. या फोनमध्ये मोठी 6000mAh बॅटरी आणि UNISOC T8200 प्रोसेसर आहे.हा फोन आर्या ब्लू आणि सोनार गोल्ड या रंगांच्या पर्यायांमध्ये उपलब्ध असेल. देशभरातील ऑफलाइन रिटेल स्टोअर्सद्वारे 10 जूनपासून विक्री सुरू होईल. कंपनी या फोनसोबत मोफत होम सर्व्हिस देखील देत आहे, जे फीचर इतर लावा स्मार्टफोन्सवर देखील उपलब्ध आहे.
बजेट फोनची सर्वोत्तम वैशिष्ट्ये
या फोनमध्ये 120Hz रिफ्रेश रेटला सपोर्ट करणारा 6.75-इंचाचा HD+ LCD डिस्प्ले आहे. यामुळे स्मूथ स्क्रोलिंग आणि गेमिंगची खात्री मिळते. कंपनीचा दावा आहे की या फोनने AnTuTu बेंचमार्कवर 500,000 पेक्षा जास्त स्कोअर मिळवला आहे.
कॅमेरा आणि बॅटरी
फोटोग्राफीसाठी फोनमध्ये 13-मेगापिक्सलचा एआय रिअर कॅमेरा आहे. तर सेल्फी आणि व्हिडिओ कॉलिंगसाठी 5-मेगापिक्सलचा फ्रंट कॅमेरा उपलब्ध आहे. पॉवरसाठी फोनमध्ये मोठी 6000mAh बॅटरी आहे, जी दीर्घकाळ टिकण्याची हमी देते. हे 18W फास्ट चार्जिंगला देखील सपोर्ट करते. लावाच्या मते, हे डिव्हाइस अंदाजे 13 तास 35 मिनिटांचा यूट्यूब प्लेबॅक आणि अंदाजे 12 तास 23 मिनिटांचा सतत स्क्रीन-ऑन टाईम देऊ शकते. फोनमध्ये बाजूला फिंगरप्रिंट स्कॅनर आहे. कनेक्टिव्हिटी पर्यायांमध्ये 5G, 4G VoLTE, ब्लूटूथ 5.0, वाय-फाय, जीपीएस आणि यूएसबी टाइप-सी पोर्ट यांचा समावेश आहे. फोनचे वजन 210 ग्रॅम आहे.
