जळगाव लाईव्ह न्यूज । जुलै महिना संपायला आता अवघे चार दिवस उरले असून, त्यानंतर नवीन महिन्याची म्हणजेच ऑगस्टची सुरुवात होईल. आगामी १ ऑगस्टपासून सर्वसामान्य नागरिकांच्या दैनंदिन जीवनाशी, खिशाशी आणि बजेटशी जोडलेले अनेक महत्त्वाचे आर्थिक बदल लागू होणार आहेत. या बदलांचा थेट परिणाम तुमच्या मासिक खर्चावर, एलपीजी सिलेंडरच्या किमतीपासून ते बँकिंग व्यवहारांवर, टॅक्स भरण्याच्या प्रक्रियेवर तसेच प्रवासावर होऊ शकतो. त्यामुळे कोणत्याही आर्थिक गैरसोयी टाळण्यासाठी हे बदल आधीच जाणून घेणे अत्यंत आवश्यक ठरत आहे
LPG सिलेंडरच्या किमतीत बदलाची शक्यता
तेल कंपन्या दर महिन्याच्या पहिल्या तारखेला एलपीजी सिलेंडरच्या किमतींचा आढावा घेतात. त्यामुळे, घरगुती आणि व्यावसायिक गॅस सिलेंडरच्या नवीन किमती १ ऑगस्ट रोजी जाहीर होण्याची शक्यता आहे. कोणत्याही दर बदलाचा थेट परिणाम सर्वसामान्यांच्या खर्चावर होईल.
रेल्वे तत्काळ तिकीट बुकिंगचा नियम बदलला
१ ऑगस्टपासून भारतीय रेल्वेने तत्काळ (Tatkal) तिकीट बुकिंग प्रक्रियेत बदल केला जाईल. नवीन नियमानुसार टोकन देण्याची वेळ आणि तिकीट बुकिंग सुरू होण्याची वेळ एकाच वेळी ठेवण्यात आलेली आहे. त्यामुळे आरक्षण केंद्रांवरची गर्दी कमी होईल आणि प्रवाशांना तिकीट बुक करणं जास्त सोपं होईल. बुकिंग काउंटरवरील गर्दी नियंत्रित करणे आणि प्रवाशांची सोय वाढवणे हा या नियमाचा उद्देश आहे.
क्रेडिट कार्ड आणि FD नियमांमध्ये बदल
१ ऑगस्टपासून काही बँका क्रेडिट कार्डवरील रिवॉर्ड पॉइंट्सस शुल्क आणि इतर सुविधांमध्ये बदल करू शकतात. तसेच काही बँका फिक्स्ड डिपॉझिट (FD) वरच्या व्याजदरातही बदल करण्याची शक्यता आहे. रिझर्व्ह बँकेच्या (RBI) आगामी पतधोरण बैठकीतल्या निर्णयांचा परिणाम कर्जाच्या EMI आणि FD व्याजदरांवर होऊ शकतो.
क्रेडिट कार्ड
1 ऑगस्ट 2026 पासून, अनेक बँका त्यांच्या क्रेडिट कार्ड नियमांमध्ये सुधारणा करू शकतात. या नियमांमध्ये रिवॉर्ड पॉइंट्स, शुल्क, फी किंवा इतर बदलांचा समावेश अपेक्षित आहे. याव्यतिरिक्त, काही बँका त्यांच्या एफडी व्याजदरांमध्ये सुधारणा करू शकतात.
आयटीआर दाखल करणे अनिवार्य
पगारदार कर्मचाऱ्यांसाठी आयटीआर दाखल करण्याची अंतिम मुदत ३१ जुलै असली तरी, आयटीआर-३ आणि आयटीआर-४ फॉर्म दाखल करणाऱ्या करदात्यांसाठी, ज्यांच्या खात्यांचे ऑडिट करणे आवश्यक नाही, अंतिम मुदत ३१ ऑगस्ट आहे. ३१ ऑगस्टपर्यंत आयटीआर दाखल न केल्यास, आयकर कायद्याच्या कलम २३४एफ अंतर्गत ₹५,००० पर्यंत विलंब शुल्क आकारले जाऊ शकते.
गृहकर्ज आणि ईएमआय
आरबीआय १ ऑगस्टनंतर कोणत्याही दिवशी बैठक घेण्याची शक्यता आहे, ज्यामध्ये रेपो दरावर निर्णय घेतला जाऊ शकतो. याचा गृहकर्ज, वाहन कर्ज, ईएमआय आणि मुदत ठेवींच्या व्याजदरांवर लक्षणीय परिणाम होऊ शकतो.
बँक सुट्ट्या
आरबीआयचे नवीन बँक सुट्ट्यांचे कॅलेंडर ऑगस्ट महिन्यापासून लागू होईल. विविध राज्यांमधील बँका स्वातंत्र्य दिन, रक्षाबंधन, जन्माष्टमी, रविवार आणि महिन्याच्या दुसऱ्या व चौथ्या शनिवारसह अनेक दिवस बंद राहतील. जर तुम्हाला बँकेच्या शाखेत काही तातडीचे काम करायचे असेल, तर आधी सुट्ट्यांची यादी नक्की तपासा.
