जळगाव लाईव्ह न्यूज । २३ एप्रिल २०२२ । केंद्रीय औद्योगिक सुरक्षा दलाच्या (CISF) बसवर शुक्रवारी दहशतवादी हल्ला करण्यात आला. या हल्ल्यात सहायक उपनिरीक्षक (एएसआय) एसपी पाटील शहीद झाले. तरदोन पोलीस कर्मचार्यांसह 10 सीआयएसएफ जवान जखमी झाले.दरम्यान, सीआयएसएफच्या बसला कशाप्रकारे लक्ष्य करण्यात आले याचे सीसीटीव्ही (CCTV) फुटेज समोर आले आहे. हा व्हिडिओ एएनआय या वृत्तसंस्थेने जारी केला आहे.
या सीसीटीव्ही फुटेजमध्ये प्रथम एक मोटारसायकल येताना दिसत आहे, जी बॅरिकेड ओलांडल्यानंतर रस्त्याच्या एका बाजूला थांबते. काही सेकंदांनंतर सीआयएसएफ जवानांना घेऊन जाणारी सीआयएसएफ बस बॅरिकेडजवळ पोहोचताच दहशतवाद्यांनी अचानक हल्ला केला. त्यांच्या हल्ल्यानंतर लगेच गोळीबार सुरू होतो. दहशतवाद्यांनी केलेल्या हल्ल्यात मध्य प्रदेशातील सतना जिल्ह्यातील एएसआय एसपी पटेल शहीद झाले, तर दोन पोलीस कर्मचार्यांसह 10 सीआयएसएफ जवान जखमी झाले.
या घटनेने संपूर्ण परिसर हादरला. आधी गोळ्या झाडल्या आणि नंतर ग्रेनेडने हल्ला केला. क्षणार्धात शांततेचे स्फोटात रूपांतर झाले. आगीच्या ठिणग्या आणि धुराचे लोट दिसू लागले.
हल्ल्यानंतर दहशतवादी घरात लपले
निमलष्करी दलाच्या एका वरिष्ठ अधिकाऱ्याने सांगितले की, दहशतवाद्यांनी बसवर गोळीबार केला आणि ग्रेनेडचा स्फोट केला, ज्यामध्ये सहाय्यक उपनिरीक्षक एसपी पटेल हे शहीद झाले आहे. तर बसमधील अन्य जण जखमी झाले आहे. यावेळी सुरक्षा दलांनीही चोख प्रत्युत्तर दिले. सीआयएसएफ बसवर हल्ला केल्यानंतर दहशतवादी परिसरातील मोहम्मद अन्वरच्या घरात लपले. एका पोलीस अधिकाऱ्याने सांगितले की, चकमकीत दोन दहशतवादीही मारले गेले.
त्यांच्याकडे मोठ्या प्रमाणात शस्त्रास्त्रे आणि दारूगोळा होता, यावरून असे दिसून येते की ते फिदाईन हल्ला करण्याची योजना आखत होते, जो हाणून पाडण्यात आला आहे.” दोन एके-47 रायफल, एक अंडर बॅरल त्यांच्याकडून ग्रेनेड लाँचर आणि एक सॅटेलाइट फोनही जप्त करण्यात आला आहे.
