जळगाव लाईव्ह न्यूज । २२ जानेवारी २०२२ । शहरातील कांचन नगर परिसरात राहणाऱ्या ४५ वर्षीय व्यक्तीने शुक्रवारी सायंकाळी राहत्या घरात गळफास घेऊन आत्महत्या केली. सायंकाळी पत्नी घरी आल्यावर घडलेला प्रकार तिच्या लक्षात आला. प्रवीण शंकर मावळे असे मयताचे नाव आहे.
कांचन नगर परिसरातील विलास चौकाजवळ प्रवीण शंकर मावळे हे पत्नी, मुलासह राहतात. गेल्या काही महिन्यांपासून त्यांची मानसिक स्थिती ठीक नसल्याने ते घरीच होते. त्यांची पत्नी प्रमिला या किराणा दुकानावर तर मुलगा सलून दुकानावर कामाला होते. शुक्रवारी ते नेहमीप्रमाणे कामाला गेलेले होते.
घरात एकट्याच असलेल्या प्रवीण शंकर मावळे यांनी राहत्या घरात दि.२१ रोजी ६ वाजेपुर्वी राहत्या घरी गळफास घेऊन जीवन संपविले. पत्नी प्रमिला या कामावरून घरी आल्यानंतर घडलेला प्रकार त्यांच्या लक्षात आला. याप्रकरणी शहर पोलिस ठाण्यात सीएमो डॉ.प्राची सुरतवाला यांच्या खबरी वरून अकस्मात मृत्यूची नोंद करण्यात आली आहे. पुढील तपास सहाय्यक फौजदार मनोज इंद्रेकर करीत आहेत. मयताच्या पश्चात पत्नी, मुलगा, विवाहित मुलगी असा परिवार आहे.
हे देखील वाचा:
- जळगाव जिल्ह्यात ३१ जुलैपर्यंत पावसाचा ‘येलो अलर्ट’; हवामान खात्याचा इशारा
- रोटरॅक्ट डिस्ट्रिक्ट ३०३० च्या ‘योगपर्व २०२६’ स्थापना समारंभ
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- LPG सिलिंडर ते बँकिंग..! १ ऑगस्टपासून अनेक महत्त्वाचे नियम बदलणार ; खिशावर होणार थेट परिणाम
- रेल्वेच्या तत्काळ तिकीट बुकिंगच्या नियमांत १ ऑगस्टपासून मोठा बदल; काय आहे घ्या जाणून..
