जळगाव लाईव्ह न्यूज । २५ जानेवारी २०२२ । भुसावळ तालुक्यातील अंजनसोंडा येथील विवाहित महिला घरात कोणाला काहीही न सांगता १० ताेळे साेन्याचे दागिने व २५ हजार रुपये रोख घेऊन निघून गेल्याची घटना शनिवारी रात्री ११ वाजेच्या सुमारास घडली. या प्रकरणी महिलेच्या पतीने येथील पोलिस ठाण्यात तक्रार दिली आहे. योगिता संभाजी चौधरी (वय २२) असे या महिलेचे नाव आहे.
शनिवारी रात्री घरातून योगिता चौधरी ही विवाहिता घरात कोणास न सांगता अंगावरील सोन्याचे दागिने व रोख रक्कम घेऊन घरातून निघून गेली. रविवारपर्यंत तिचा सर्वत्र शोध घेण्यात आला. गावात, आजूबाजूला व नातेवाईक यांच्याकडे तपास करूनही ती कोठेच मिळून आली नाही. त्यामुळे तिचे पती संभाजी चाैधरी (वय ३२) यांनी येथील पाेलिसांत पत्नी हरवल्याची तक्रार दिली. त्यानुसार नाेंद करण्यात आली आहे. वरणगाव पोलिस ठाण्याचे सहाय्यक पोलिस निरीक्षक आशिष कुमार आडसूळ यांच्या मार्गदर्शनाखाली पाेलिस हेडकाॅन्स्टेबल अली, मनोहर पाटील करत आहेत.
हे देखील वाचा :
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- कर्जबाजारीपणा अन् नैराश्यातून अमळनेरातील तरुण शेतकऱ्याने उचललं धक्कादायक पाऊल
- अट्टल मोटारसायकल चोर पाचोरा पोलिसांच्या जाळ्यात ; चार दुचाकी हस्तगत
- चोपड्यात अमली पदार्थांवर पोलिसांचा दणका; ७ किलो गांजासह तीन तस्करांना अटक!
- जळगावात अज्ञात वाहनाच्या धडकेत दुचाकीस्वाराचा जागीच मृत्यू
