जळगाव लाईव्ह न्यूज । १० जानेवारी २०२२ । गेल्या दोन वर्षांपासून जगात कोरोनाचा कहर सुरूच आहे. कोरोनाच्या नव्या व्हेरिएंट ओमिक्रॉनमुळे जगाची झोप उडाली असता त्यात आता कोरोनाचा आणखी एक नवीन प्रकार सापडला आहे. हा व्हेरिएंट डेल्टा आणि ओमिक्रॉन व्हेरिएंटचे मिश्रण असल्याचे सांगितले जात आहे. त्याला डेल्टाक्रॉन असे नाव देण्यात आले आहे.
सायप्रस विद्यापीठातील बायोटेक्नॉलॉजी आणि मॉलिक्यूलर व्हायरोलॉजी प्रयोगशाळेचे प्रमुख डॉ. लियोनडिओस कोस्त्रिकिस म्हणाले की, रुग्णालयात दाखल झालेल्या रुग्णांमध्ये म्यूटेशनची फ्रीक्वेंसी जास्त होती, हे नवे व्हेरिएंट आणि रुग्णालयात दाखल होण्याचे संबंध दर्शवितात.
हा नवीन प्रकार किती धोकादायक?
या नवीन व्हेरिएंटची जेनेटिक पार्श्वभूमी डेल्टासारखीच आहे, यावरही त्यांनी भर दिला. यासोबतच या व्हेरिएंटमध्ये ओमिक्रॉनचे काही म्यूटेशनही आढळले आहेत. सायप्रसचे आरोग्य मंत्री मिखालिस हदीपेंटेलस म्हणाले की, सध्या नव्या व्हेरिएंटबाबत काळजी करण्याची गरज नाही.
डेल्टाक्रॉनवर काम करणाऱ्या काही विषाणूशास्त्रज्ञांनी म्हटले आहे की, कोरोनाचा हा काही नवीन व्हेरिएंट नाही, हा व्हेरिएंट फाइयलोजेनेटिक ट्रीवर ट्रेस किंवा प्लॉट केला जाऊ शकत नाही.
देशात १.७९ लाखांहून अधिक रुग्ण आढळले
देशात कोरोना विषाणूच्या रुग्णांची संख्या सातत्याने वाढत आहे. कोरोनाच्या दैनंदिन प्रकरणांबद्दल बोलायचे झाले तर, गेल्या 24 तासांत देशात कोविड-19 चे 1,79,723 नवीन रुग्ण आढळले आहेत. या कालावधीत 146 रुग्णांना आपला जीव गमवावा लागला आहे. आता देशातील संक्रमित रुग्णांची संख्या 7,23,619 वर पोहोचली आहे. तथापि, देशात अजूनही कोरोनाच्या ओमिक्रॉन या नवीन प्रकाराची 4033 प्रकरणे नोंदवली गेली आहेत.
हे देखील वाचा :
- लाडकी बहीण योजनेच्या जुलै महिन्याच्या हप्त्याबाबत मोठी अपडेट; कधी येणार १५०० रुपये? तारीख आली समोर?
- आठवड्याच्या पहिल्याच दिवशी सोन्याच्या दरात मोठी वाढ ; जाणून घ्या जळगावातील आजचे प्रति तोळा दर
- आषाढी एकादशीनिमित्त बालरंगभूमी परिषदेतर्फे विविध कार्यक्रमांचे आयोजन
- जळगाव जिल्हा केमिस्ट संघटनेच्या अध्यक्षपदी सुनील भंगाळेंची बिनविरोध निवड
- जळगाव जिल्ह्यात वादळी वाऱ्यासह मुसळधार पाऊस कोसळणार; वाचा पुढील 5 दिवसाचा हवामान अंदाज?
