जळगाव लाईव्ह न्यूज । १५ मे २०२१ । जळगाव जिल्ह्यासाठी सलग दुसरा दिवस कोरोना संसर्गाच्या दृष्टीने दिलासा देणारा ठरला. आज शनिवार प्राप्त अहवालानुसार दिवसभरात ६१८ नवे रुग्ण आढळून आले आहे. तर आज ६७० रुग्ण बरे होऊन घरी गेले आहे. जिल्ह्यात बाधित रुग्णांसह मृताचा आकडाही कमी होतानाचे दिसून येत आहे. गेल्या २४ तासात ११ जणांचा मृत्यू झाला आहे.
मे महिन्याच्या पहिल्या दिवसापासूनच जिल्ह्यात कोरोना संसर्गाची स्थिती काही प्रमाणात सुधारत असल्याचे चित्र आहे. १४ एप्रिलपासून राज्यात लागू करण्यात आलेल्या लॉकडाऊनचा परिणाम आता दुसऱ्या महिन्यात दिसू लागला आहे. आज शनिवारी प्राप्त अहवालानुसार गेल्या २४ तासांत नवे केवळ ६१८ रुग्ण समोर आले. त्यामुळे एकूण रुग्णसंख्या १ लाख३४ हजार ५११ वर पोचली. तर ६७० रुग्ण दिवसभरात बरे झाले असून बरे होणाऱ्यांचा आकडा १ लाख २२ हजार ४५२ वर पोचला आहे.तर आज ११ जणांचा मृत्यू झाला असून जिल्ह्यात एकूण मृताचा आकडा २४०६ वर गेला आहे, जिल्ह्यात सध्या ९६५३ रुग्णांवर उपचार सुरु आहे.
चाचण्याही घटल्या
शनिवारी रुग्णसंख्या घटल्याचे दिसत असले तरी प्रत्यक्षात प्राप्त चाचण्यांच्या अहवालाचा आकडाही कमी होता. गेल्या २४ तासांत केवळ ४ हजार ८२४ चाचण्यांचे अहवाल प्राप्त झाले. विशेष म्हणजे त्यात रॅपिड ॲन्टीजेन (४१२४) जास्त आणि आरटीपीसीआर (७००) चाचण्यांची संख्या कमी आहे.
आजची आकडेवारी
जळगाव शहर ६६, जळगाव ग्रामीण २६, भुसावळ ५७, अमळनेर ३९, चोपडा ८५, पाचोरा ०६, भडगाव ०४, धरणगाव ३५, यावल ३४, एरंडोल ४५, जामनेर ६०, रावेर ३२, पारोळा ००, मुक्ताईनगर ३२, बोदवड ३३, अन्य जिल्ह्यातील ०४.
