जळगाव लाईव्ह न्यूज । 5G In India । देशात लवकरच 5G सेवा सुरु होणार आहे. यामुळे हे देशवासियांसाठी खूप आनंददाची बाब आहे. या आधी देशात 4G सेवा मिळत होती. मात्र आता लवकरच 5G सेवा सुरु होणार आहे. केंद्रीय माहिती आणि तंत्रज्ञान मंत्री अश्विनी वैष्णव यांनी हि माहिती दिली आहे.
केंद्रीय माहिती आणि तंत्रज्ञान मंत्री अश्विनी वैष्णव म्हणाले की, आम्ही देशात वेगाने 5G सेवा सुरू करण्याचा विचार करत आहोत. दूरसंचार कंपन्या या संदर्भात काम करत आहेत आणि तांत्रिक स्थापना केली जात आहे. १२ ऑक्टोबरपर्यंत देशात 5G सेवा सुरू होईल, अशी आशा केंद्रीय मंत्र्यांनी व्यक्त केली आहे. त्यानंतर त्याचा विस्तार शहरे आणि गावांमध्ये केला जाईल.
तीन वर्षांत प्रत्येक भागात सेवा वैष्णव म्हणाले, “आम्ही 5G येत्या दोन ते तीन वर्षांत देशाच्या प्रत्येक भागात पोहोचेल अशी अपेक्षा आहे. ते परवडणारे राहील याचीही आम्ही खात्री करू. 5G सेवांचा विस्तार करण्यासाठी दूरसंचार उद्योग शहरी आणि ग्रामीण दोन्ही भागांवर लक्ष केंद्रित करत आहे. या महिन्याच्या सुरुवातीला देखील केंद्रीय मंत्री वैष्णव यांनी सांगितले होते की, 5G ऑक्टोबरपासून देशात 5G सेवा सुरू केली जाऊ शकते. त्यावेळी केंद्रीय मंत्री म्हणाले होते की, भारताची दूरसंचार बाजारपेठ ही जगातील सर्वात स्वस्त बाजारपेठ आहे. देशात 5G सेवेच्या किमतीही परवडणाऱ्या असतील, सर्वसामान्यांनाही 5G सेवेचा लाभ घेता येईल.
इलेक्ट्रो-मॅग्नेटिक रेडिएशनच्या नुकसानीच्या प्रश्नावर केंद्रीय मंत्री वैष्णव म्हणाले की, येथे रेडिएशनची पातळी अमेरिका आणि युरोपच्या तुलनेत 10 पट कमी असेल, त्यामुळे येथे रेडिएशनचा धोका राहणार नाही.
