जळगाव लाईव्ह न्यूज । ६ जुलै २०२२ । भारतीय क्रिकेट संघ सध्या क्रिकेट मालिकेत जगभरातील अनेक देशांशी स्पर्धा करत आहे. रोहित शर्माच्या नेतृत्वाखालील वरिष्ठ संघ इंग्लंड दौऱ्यावर असतानाच आणखी एक युवा संघ वेस्ट इंडिजच्या दौऱ्यावर जाणार आहे. या मालिकेसाठी टीम इंडियाची घोषणा करण्यात आली असून बराच वेळ बाहेर बसलेल्या खेळाडूची संघाच्या कर्णधारपदी नियुक्ती करण्यात आली आहे. Team India announced for West Indies tour
वेस्ट इंडिज मालिकेसाठी संघ जाहीर
22-27 जुलै रोजी खेळल्या जाणाऱ्या वेस्ट इंडिजविरुद्धच्या वनडे मालिकेसाठी टीम इंडियाची घोषणा करण्यात आली आहे. या मालिकेसाठी शिखर धवनकडे संघाची कमान सोपवण्यात आली आहे. दिग्गज सलामीवीर धवनला दीर्घ कालावधीनंतर भारतीय संघाचे नेतृत्व करण्याची संधी मिळाली आहे. धवन बर्याच दिवसांपासून संघाबाहेर आहे, त्यामुळे तो या दौऱ्यावर चांगले पुनरागमन करण्याचा प्रयत्न करेल. रवींद्र जडेजाची संघाच्या उपकर्णधारपदी नियुक्ती करण्यात आली आहे.
वेस्ट इंडिज दौऱ्यासाठी भारतीय संघ:
शिखर धवन (कर्णधार), रवींद्र जडेजा (उपकर्णधार), रुतुराज गायकवाड, शुभमन गिल, दीपक हुडा, सूर्यकुमार यादव, श्रेयस अय्यर, इशान किशन (विकेटकीपर), संजू सॅमसन (विकेटकीपर), शार्दुल ठाकूर, युझवेंद्र चहल, अक्षर पटेल, आवेश खान, प्रसिद्ध कृष्णा, मोहम्मद सिराज, अर्शदीप सिंग
