जळगाव लाईव्ह न्यूज । २३ मे २०२२ । गेल्या कित्येक वर्षांपासून प्रेक्षकांचं भरभरून मनोरंजन करणाऱ्या ‘तारक मेहता का उल्टा चष्मा’ या कॉमेडी शोच्या चाहत्यांसाठी गेल्या काही दिवसांपासून अनेक वाईट बातम्या समोर येत आहेत. अलीकडेच या शोचा अभिनेता शैलेश लोढा म्हणजेच तारक मेहता याने ही मालिका सोडली. त्यानंतर आता प्रेक्षकांचं निखळ मनोरंजन करणाऱ्या या मालिकेतील एक लोकप्रिय व्यक्तीरेखा लवकरच प्रेक्षकांचा निरोप घेणार असल्याचं समजतंय
मुनमुन दत्ताचा निरोप
‘तारक मेहता का उल्टा चष्मा’ फेम अभिनेत्री बबिता जी म्हणजेच मुनमुन दत्ताही शो सोडण्याची शक्यता आहे. मुनमुनला ‘बिग बॉस ओटीटी’च्या दुसऱ्या सिझनची ऑफर आल्याचं कळतंय. त्यामुळे जर मुनमुनने ती ऑफर स्वीकारली तर काही काळासाठी तिला मालिकेतून बाहेर पडावं लागेल. मुनमुनने अद्याप बिग बॉसच्या ऑफरबद्दल काही प्रतिक्रिया दिली नाही.
केवळ एका शोमुळे मुनमुन दत्ता आज घरोघरी प्रसिद्ध झाली आहे. लोक त्यांना मुनमुन दत्ता म्हणून कमी पण बबिताजींच्या नावाने जास्त ओळखतात. तारक मेहता का उल्टा चष्मामधील बबिता जीच्या प्रत्येक कृतीने जेठालाल प्रभावित झाला आहे, परंतु मुनमुन दत्ताच्या शैलीचे लाखो चाहते आहेत. जर मुनमुन या शोचा एक भाग बनली तर नक्कीच लोकांचेही खूप मनोरंजन होणार आहे.
मुनमुन सतत व्हिडिओ शेअर करत असते
34 वर्षीय मुनमुन दत्ताचे अद्याप लग्न झालेले नाही आणि ती सध्या तिचे आयुष्य खूप एन्जॉय करत आहे. ‘तारक मेहता का उल्टा चष्मा’ याआधीही ती काही मालिकांमध्ये दिसली होती पण तिला या शोमधून लोकप्रियता मिळाली. मुनमुन दत्ता सोशल मीडियावर देखील खूप सक्रिय आहे आणि दररोज तिचे सुंदर व्हिडिओ शेअर करत असते.
