जळगाव लाईव्ह न्यूज । १७ जानेवारी २०२२ । शहरातील फुले मार्केट मधील चार दुकानांच्या बाहेर सुरू असलेले लाईट चोरट्यांनी शनिवारी मध्यरात्री लांबविले खरे, पण ही चोरी करताना तो सीसीटीव्ही कॅमेऱ्यात कैद झाला आहे. रविवारी हा प्रकार उघडकीस आला. या प्रकणारी दुकानदारांनी शहर पोलिसात तक्रार दिली आहे.
शहरातील फुले मार्केटमध्ये अविनाश वर्मा यांचे मार्केटच्या तळमजल्यावर गाळा क्रमांक ८६ येथे दुकान आहे. या दुकानाच्या बाहेर सुरू असलेले दोन लाईट शनिवारी मध्यरात्री चोरट्यांनी चोरून नेले. रविवारी सकाळी प्रकार समोर आला. यावेळी शर्मा यांच्यासह मार्केटमधील प्रदीप मंडोरे यांचे दुकानाबाहेरील ४ लाईट, श्री फैशन या दुकानाचे ६ लाईट तर शिवा कॉस्मेटिक या दुकानाचा एक मोठा लाईट असे एकूण ११ लाईट चोरट्यांनी चोरून नेल्याचेही समोर आले.
दरम्यान शर्मा यांच्या दुकानातील सीसीटीव्ही कॅमेऱ्यात चोरीचा प्रकार कैद झाला आहे. यात चार ते पाच तरुण येतांना, त्यानंतर लाईट काढून हातात घेऊन जातांना दिसून येत आहे.
हे देखील वाचा :
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- कर्जबाजारीपणा अन् नैराश्यातून अमळनेरातील तरुण शेतकऱ्याने उचललं धक्कादायक पाऊल
- अट्टल मोटारसायकल चोर पाचोरा पोलिसांच्या जाळ्यात ; चार दुचाकी हस्तगत
- चोपड्यात अमली पदार्थांवर पोलिसांचा दणका; ७ किलो गांजासह तीन तस्करांना अटक!
- जळगावात अज्ञात वाहनाच्या धडकेत दुचाकीस्वाराचा जागीच मृत्यू
