जळगाव लाईव्ह न्युज । १५ जानेवारी २०२२ । जिल्ह्यात आजवर आपण गाय, बैल, वासरू चोरी झाल्याच्या घटना नेहमी ऐकल्या आहेत परंतु आज चक्क म्हैस चोरी केल्याचा प्रकार समोर आला आहे. तालुक्यातील नशिराबाद येथील शेतकऱ्याच्या खळ्यातील गोठ्यात बांधलेल्या ६५ हजार रूपये किंमतीच्या दोन म्हशी अज्ञात चोरट्यांनी चोरून नेल्या आहे. याप्रकरणी अज्ञात चोरट्यांविरोधात नशिराबाद पोलीस ठाण्यात गुन्हा दाखल करण्यात आला आहे.
नशिराबाद पोलीसांनी दिलेल्या माहितीनुसार, जळगाव तालुक्यातील नशिराबाद येथील रहिवाशी सुरेश लिलाधर झोपे (वय-६३) हे आपल्या कुटुंबियांसह वास्तव्याला आहे. ते सेवानिवृत्त असून गुरांसह शेतीचा व्यवसाय करून आपल्या उदरनिर्वाह करतात. १३ जानेवारी रोजी रात्री १० वाजता त्यांनी त्यांच्या मालकीच्या दोन म्हशी गावाच्या बाहेर असलेल्या खळ्यात बांधलेल्या होत्या. मध्यरात्री अज्ञात चोरट्यांनी ६५ हजार रूपये किंमतीच्या दोन म्हशी चोरून नेल्याचा प्रकार शुक्रवार १४ जानेवारी रोजी सकाळी ५ वाजता उघडकीला आला. याबाबत सुरेश झोपे यांच्या फिर्यादीवरून नशिराबाद पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पो.हे.कॉ. अतुल महाजन करीत आहे.
हे देखील वाचा:
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- LPG सिलिंडर ते बँकिंग..! १ ऑगस्टपासून अनेक महत्त्वाचे नियम बदलणार ; खिशावर होणार थेट परिणाम
- रेल्वेच्या तत्काळ तिकीट बुकिंगच्या नियमांत १ ऑगस्टपासून मोठा बदल; काय आहे घ्या जाणून..
- साडेपाच हजार वर्षांचा इतिहास असलेले यावलचे महर्षी व्यास मंदिर; वाचा काय आहे अख्यायिका…
- आजच्या राज्य मंत्रिमंडळाच्या बैठकीत 8 धडाकेबाज निर्णय
