जळगाव लाईव्ह न्यूज । १ जानेवारी २०२२ । वाकोद ( ता.जामनेर ) येथील ३५ वर्षीय महिलेवर चाकूच्या धाकाने अत्याचार झाल्याची घटना ३० रोजी मध्यरात्री घडली. या प्रकरणी पीडित महिलेच्या फिर्यादीवरून संशयिताला पहूर पोलिसांनी अटक केली. गणेश भगवान मोहिते (वय ३२, रा.वाकोद, ता.जामनेर) असे संशयिताचे नाव आहे. दरम्यान, संशयित विरोधात पहूर पोलिसात गुन्हा दाखल करण्यात आला.
३० रोजी मध्यरात्री संशयित मोहितेने चाकूचा धाक दाखवत झोपेतून उठवले. तसेच खिडकीतून बाहेर खेचून बाजूलाच बांधकाम सुरू असलेल्या खोलीत नेत मारहाण व अत्याचार केला, अशी माहिती पहूर पोलिसांनी दिली. या प्रकरणी पहूर पोलिस स्टेशनमध्ये संशयिताविरुद्ध कलम ३७६, ३५४, ४५२, ३२३ प्रमाणे गुन्हा दाखल झाला आहे. घटनास्थळी पाचोऱ्याचे डीवायएसपी भारत काकडे यांनी पाहणी केली. पोलिसांनी घटनास्थळाचा पंचनामा केला. पोलिस निरीक्षक अरुण धनवडे पुढील तपास करत आहेत. घटनेमुळे खळबळ उडाली आहे.
हे देखील वाचा :
- दारूसाठी मुलाने जन्मदात्या पित्याची केली हत्या; जामनेर तालुक्यातील घटना
- यावल येथील एकाच कुटुंबातील चौघे बेपत्ता ; परिसरात खळबळ
- लाच भोवली ! ग्रामसेवकासह शिपाई जळगाव लाचलुचपत विभागाच्या जाळ्यात
- सचिन तेंडुलकरकडे सुरक्षारक्षक म्हणून काम करणाऱ्या जामनेरच्या सीआरपीएफ जवानाची आत्महत्या
- प्लॉटच्या वादातून मुलानेच जन्मदात्या आईला संपविले ; एरंडोलमधील धक्कादायक घटना