जळगाव लाईव्ह न्यूज । रेल्वे प्रवाशांसाठी महत्वाची बातमी आहे. भुसावळ -बडनेरा रेल्वे विभागांतर्गत येणाऱ्या जलंब रेल्वे स्थानकावर डाउन लूप लाइनचा विस्तार, इलेक्ट्रॉनिक इंटरलॉकिंग प्रणालीसाठी रेल्वेने ब्लॉक घेतला आहे. यामुळे ३० जानेवारीला चार प्रवासी गाड्या विभागात ठिकठिकाणी थांबवल्या जातील. तर सहा गाड्या रद्द केल्या आहेत.
ब्लॉक कालावधीत भुसावळ विभागातून धावणाऱ्या काही लांब पल्ल्याच्या गाड्यांचे नियमन होईल. २०८२४ अजमेर- पुरी एक्स्प्रेस २ तास ३० मिनिटे, गाडी क्र. २२७१० अंब अंदौरा हजूर साहिब नांदेड एक्स्प्रेस २ तास, ११०४० गोंदियाकोल्हापूर २ तास, १२७५१ हजूर साहिब नांदेड – जम्मूतवी १.३०तास थांबवली जाईल.
या गाड्या रद्द
काही प्रवासी गाड्या रद्द केल्या आहेत. त्यात ३० जानेवारीला ६११०१ भुसावळ – बडनेरा मेमू, ६११०२ बडनेरा – भुसावळ मेमू, १११२१ भुसावळ – वर्धा, १११२२ वर्धा भुसावळ, ०१२११ – बडनेरा – नाशिक रोड विशेष गाडी रद्द केली आहे. ०१२१२ नाशिक रोड बडनेरा विशेष -गाडी २९ जानेवारीला धावणार नाही. रेल्वे प्रशासनाने हे ब्लॉक पायाभूत सुविधांची सुधारणा करण्यासाठी घेतले आहेत.
