जळगाव लाईव्ह न्यूज । ३० मे २०२६ । मे महिना संपत आला आहे आणि एका दिवसांनंतर जून महिना सुरू होत आहे. प्रत्येक महिन्याप्रमाणे, पुढचा महिना देशात अनेक मोठे बदल घेऊन येणार आहे. १ जून २०२६ पासून देशभरात अनेक महत्त्वाचे आर्थिक आणि नियामक बदल होणार आहेत. या नवीन नियमांचा थेट परिणाम सर्वसामान्यांच्या मासिक बजेटवर पडणार आहे. 1st June New Rule Changes
यामध्ये एलपीजी गॅस सिलेंडरच्या किमती, युपीआय पेमेंटचे नियम, बँकिंग व्यवहार आणि एटीएम शुल्काचा समावेश आहे. याशिवाय एफडीचे व्याजदर आणि सोलर पॅनेलच्या नियमांमध्येही बदल होण्याची शक्यता आहे. कोणत्याही अतिरिक्त खर्चापासून किंवा त्रासापासून वाचण्यासाठी हे नियम आधीच समजून घेणं फायदेशीर ठरेल. चला तर जाणून घेऊया.. १ जूनपासून बदलणाऱ्या नियमांबद्दल.. New Rule
1. एलपीजी सिलेंडरच्या किमती
प्रत्येक महिन्याच्या पहिल्या तारखेला, तेल विपणन कंपन्या एलपीजी सिलेंडरच्या किमतींमध्ये सुधारणा करून नवीन दर जाहीर करतात. जून महिन्याच्या पहिल्या तारखेलाही एलपीजीच्या किमती बदलू शकतात. मध्य-पूर्वेतील संकटामुळे गेल्या काही महिन्यांत सिलेंडरच्या किमती वाढवण्यात आल्या होत्या. सध्या, घरगुती एलपीजी सिलेंडर ₹९१३ ला, तर १९-किलोग्रामचा व्यावसायिक सिलेंडर ₹२,०७८ ला उपलब्ध आहे.
2. एटीएफच्या किमती
केवळ एलपीजी गॅस सिलिंडरच नव्हे, तर तेल कंपन्या देखील दर महिन्याच्या पहिल्या तारखेला एअर टर्बाइन फ्युएल (एटीएफ) च्या दरात सुधारणा करतात. या दरातील कोणत्याही चढ-उताराचा थेट परिणाम हवाई प्रवाशांच्या खिशावर होतो.
3. ATM मधून रोख रक्कम काढण्याचे नियम
अनेक बँका जून महिन्यात त्यांच्या एटीएम व्यवहारांच्या दरांमध्ये बदल करू शकतात. एटीएममधून पैसे काढण्यापासून ते खात्यातील शिल्लक तपासणे आणि मिनी स्टेटमेंट मिळवण्यापर्यंत, हे बदल जूनपासून अधिक महाग होऊ शकतात.
4. सौर पॅनल आणि विमा योजनांमध्ये बदल शक्य
सौर पॅनलसंदर्भातील सरकारी धोरणात बदल झाल्यास त्याचा परिणाम अनुदान आणि बसवण्याच्या खर्चावर होऊ शकतो. तसेच कौटुंबिक विमा योजनांच्या प्रीमियममध्ये वाढ होण्याची शक्यता व्यक्त केली जात आहे.
5. अनेक गाड्या रद्द केल्या जातील.
जून महिन्यात अंदाजे ७७ गाड्या रद्द केल्या जातील आणि इतर अनेक गाड्या वळवण्यात येतील. याचा थेट परिणाम महाराष्ट्र, पश्चिम बंगाल आणि गुजरातमधील प्रवाशांवर होईल. रेल्वे मार्गाच्या सुधारणांचे काम सुरू आहे, त्यामुळेच या गाड्या रद्द केल्या जातील. प्रवास करण्यापूर्वी तुमच्या ट्रेनची स्थिती नक्की तपासा.
6. UPI व्यवहारांसाठी नवे नियम लागू होण्याची शक्यता
डिजिटल फसवणुकीच्या वाढत्या घटनांमुळे NPCI कडून UPI व्यवहारांसाठी नवे सुरक्षा नियम लागू केले जातील. पैसे पाठवताना आता फक्त लाभार्थ्याच्या बँक खात्यात नोंद असलेले अधिकृत नावच स्क्रीनवर दिसेल. यामुळे चुकीच्या नावांमुळे किंवा बनावट QR कोडद्वारे होणाऱ्या फसवणुकीवर नियंत्रण मिळवण्याचा प्रयत्न केला जात आहे.काही व्यवहारांवर अतिरिक्त शुल्क लागू होण्याची शक्यताही व्यक्त केली जात आहे.
7. FD आणि क्रेडिट कार्ड नियमांवरही परिणाम
काही बँका क्रेडिट कार्डवरील इंधन व्यवहार आणि युटिलिटी बिल पेमेंटवर अतिरिक्त शुल्क लागू करू शकतात. FD च्या व्याजदरांमध्येही बदल होण्याची शक्यता असल्याने गुंतवणूकदारांनी नवीन दर तपासूनच गुंतवणूक करण्याचा सल्ला दिला जात आहे.
8. पॅन कार्ड नियमांमध्ये बदल
नवीन आयकर नियमांनुसार मालमत्ता व्यवहारांसाठी पॅन कार्डच्या अटींमध्ये बदल होणार आहेत. मोठ्या आर्थिक व्यवहारांमध्ये पॅन कार्ड रिपोर्टिंग अनिवार्य करण्यात येणार असून, रोख रक्कम काढण्याच्या नियमांमध्येही बदल लागू होऊ शकतात.
9. मोबाइल बिलावरही पडू शकतो परिणाम
मोबाइल आणि टेलिफोन सेवांवरील शुल्कांमध्येही बदल होऊ शकतो. त्यामुळे ग्राहकांच्या मासिक बिलात वाढ होण्याची शक्यता असून नागरिकांनी खर्चाचे योग्य नियोजन करण्याची गरज व्यक्त केली जात आहे.
