जळगाव लाईव्ह न्यूज । ३१ डिसेंबर २०२१ । केसीई सोसायटी संचालित गुरुवर्य प.वि. पाटील विद्यालयात नववर्षाच्या आगमनाच्या पूर्वसंध्येला कार्यक्रमाचे आयोजन करण्यात आले. यात विद्यार्थ्यांनी कोरोनाच्या पार्श्वभूमीवर सोशल डिस्टंसिंग, सॅनीटायझर व विविध नियमांचे पालन करण्याचा संदेश यावेळी दिला.
तसेच निरोगी शरीर राखण्यासाठी माझे आरोग्य चांगले ठेवीन, बाहेरील पदार्थ गरज भासली तरच खाणार, मी जे काम करीन ते व्यवस्थितच करणार, आपल्या अभ्यासाच्या व कामाच्या वेळठरवून त्यानुसार वागण्याचा प्रयत्न करणार, दररोज किमान 20 ते 25 मिनिटे चालण्याचा किंवा धावण्याचा व्यायाम करणार.असा संकल्प यावेळी विद्यार्थ्यांनी केला. दरम्यान, विद्यार्थ्यांनी नववर्षाचे स्वागत अतिशय उत्साहाने केले तर सरलेल्या वर्षाला निरोप सुद्धा यावेळी दिला. आपण ज्या चुका मागील वर्षी केल्या त्या पुन्हा आपल्या हातून होणार नाहीत असा निर्धारही केला.
कार्यक्रमाचे आयोजन उपशिक्षक योगेश भालेराव तसेच स्वाती पाटील यांनी केले तर मुख्याध्यापिका रेखा पाटील यांनी मार्गदर्शन केले.कार्यक्रमाच्या यशस्वीतेसाठी सर्व शिक्षक तसेच शिक्षकेतर कर्मचारी यांनी परिश्रम घेतले.
हे देखील वाचा :
- डॉ. उल्हास पाटील कृषी महाविद्यालयात बी.एस्सी. (ऑनर्स) अॅग्रीकल्चर प्रवेश प्रक्रिया सुरू
- NEET नंतर आता महाराष्ट्रातही पेपरफुटीचा स्फोट; उद्या होणारी ‘महा-टीईटी’ परीक्षा तडकाफडकी रद्द!
- १२ वी नंतर यांत्रिकी अभियांत्रिकीची निवड ठरू शकते उज्ज्वल करिअरची गुरुकिल्ली – डॉ. तुषार कोळी
- जळगावातील १२ केंद्रांवर नीटची फेरपरीक्षा शांततेत; परीक्षा केंद्रांवर पोलीस बंदोबस्त !
- अखेर मोठी घोषणा! पेपरफुटीमुळे रद्द झालेली ‘नीट’ परीक्षेची नवीन तारीख जाहीर; कधी होणार जाणून घ्या?
