जळगाव लाईव्ह न्यूज । ३० जानेवारी २०२२ । शहरात चोरीच्या घटनामध्ये वाढ झाली आहे. विद्यानगर, शिवाजी उद्यान परिसरातुन चोरट्यांनी दोन दुचाकी लंपास केल्याची घटना समोर आली आहे. या प्रकरणी पोलिसांत गुन्हा दाखल करण्यात आला आहे.
पहिली चोरी : विद्यानगरात घरासमोर लावलेली पाच हजार रुपये किमतीची दुचाकी २३ जानेवारी रोजी चोरट्याने लांबवली. दीपक वासुदेव फालक (वय ३५) यांच्या मालकीची ही दुचाकी (एमएच १९ एजे ११०१) आहे. याप्रकरणी फालक यांनी दिलेल्या फिर्यादीवरून रामानंदनगर पोलिस ठाण्यात गुन्हा दाखल करण्यात आला आहे. सुनील पाटील तपास करीत आहेत.
दुसरी चोरी : मेहरूण तलाव परिसरातील शिवाजी उद्यानातून ३० हजार रुपयांची दुचाकी २२ जानेवारी रोजी दुपारी चोरीस गेली. सलीम शब्बीर शेख (वय ३१, रा. तांबापुरा) यांच्या मालकीची ही दुचाकी (क्रमांक एमएच-१९, सीएल-३४३२) आहे. याप्रकरणी शेख यांनी दिलेल्या फिर्यादीवरून एमआयडीसी पोलिस ठाण्यात गुन्हा दाखल करण्यात आला आहे. दरम्यान, शहरात चाेरीच्या घटनामध्ये वाढ झाली असून नागरिक हैराण झाले आहेत.
हे देखील वाचा :
- अपघातात गंभीर जखमी झालेल्या विद्यार्थ्याची मृत्यूशी झुंज संपली!
- जामनेर तालुक्यात भीषण अपघात ; पिकअपच्या धडकेत सासू-जावयाचा जागीच मृत्यू
- जळगावात प्रॉपर्टीच्या वादातून तरुणावर गोळीबार ; शहरात खळबळ
- अमळनेरमध्ये घरफोडी करणारे मध्य प्रदेशातील दोघे जेरबंद ; १.८० लाखांचा मुद्देमाल हस्तगत
- जळगावात गँगवार आणि हत्याकांडाचा कट उधळला; शस्त्रास्त्रांसह ५ जणांना अटक
