धरणगावात दोन घरे फोडली, तीन लाखांचा मुद्देमाल लंपास

जळगाव लाईव्ह न्यूज । १२ जानेवारी २०२२ । धरणगाव शहरात दोन ठिकाणी चोरट्यांनी बंद घर फोडल्याची घटना नुकतीच उघड झाली. ते दोघेही घरमालक बाहेरगावी गेले होते. दोन्ही घरांचे कुलूप तोडून चोरट्यांनी आत प्रवेश केला. दोन्ही घरांमधून चोरट्यांनी सोन्या चांदीचे दागिने व रोकड असा सुमारे २ लाख ९० हजार रुपयांचा मुद्देमाल लंपास केला.

शहरातील राजपूत मंगल कार्यालयाजवळील रहिवासी भगवान गोकुळसिंह बयस यांच्या घरातून चोरट्यांनी १ लाख ३० हजाराची रोकड, २० ग्रॅमची मंगलपोत, ३० ग्रॅमचे किल्लू व इतर किरकोळ दागिने, ३० चांदीची नाणी असा एकूण अडीच लाखाचा ऐवज लंपास केला. तर लोहार गल्लीतील ज्ञानेश्वर माळी यांच्या घरातून ६ ग्रॅम सोने, ९ भार चांदी आणि ५०० रोख असा एकूण साधारण ४० हजारांचा ऐवज चोरट्यांनी लांबवला. ज्या दोन घरांमध्ये चोरी झाली ते दोघेही घरमालक बाहेरगावी गेले होते. दोन्ही घरांचे कुलूप तोडून चोरट्यांनी आत प्रवेश केला. चोरट्यांनी दोन्ही बंद घराचे कुलूप अगदी सहज उघडले. यावरून चोरटे सराईत असल्याचे उघड झाल्याचे आहे. चोरट्यांनी आधी महाजन यांच्या घरी चोरी केली.

हे देखील वाचा :

• संतापजनक ! अल्पवयीन मुलीवर नात्यातील नराधमाचा अत्याचार; पीडित मुलगी गर्भवती
• एरंडोलमधील ३ कुख्यात गुन्हेगार जळगाव जिल्ह्यातून तडीपार
• सालदाराकडून वृद्ध मालकिणीचा बेल्टने गळा आवळून खून ; रावेरातील घटनेने खळबळ
• तरसोद-पाळधी बायपासवर पुन्हा भीषण अपघात; अज्ञात वाहनाच्या धडकेत दोन तरुणांचा जागीच मृत्यू
• मावशीच्या घरावरच भाच्याचा डल्ला! रावेरातील घरफोडीचा छडा; दोघे जेरबंद