जळगाव लाईव्ह न्यूज । ३१ मे २०२१ । श्री संत मुक्ताबाई तिरोभूत अंतर्धान समाधीसोहळा यंदा वैशाख कृष्ण दशमी दि.4 जुन 2021 शुक्रवार रोजी घरी राहून साजरा करण्याचे आवाहन श्री संत मुक्ताबाई संस्थान श्री क्षेत्र कोथळी-मुक्ताईनगर समाधीस्थळ यांनी केले आहे.
सविस्तर असे की श्री संत मुक्ताबाई विजेच्या प्रचंड कडकडाटात वैशाख कृष्ण दशमी दिनी अंतर्धान झाल्या.परंपरेनुसार दरवर्षी वैशाख दशमीला संपूर्ण राज्यात व राज्याबाहेर मुक्ताबाई समाधी सोहळा साजरा करतात.यावर्षीचे पंचांगात दशमी तीथी 4जुन रोजी आहे. 5 जुन रोजी अहोरात्र एकादशी वृध्दी तिथी व 6 जुन रोजी सुध्दा एकादशी तिथी अशी दोन दिवस आलेली आहे.आपल्याला वारीची, उपवासाची एकादशी 6 जुन रविवार रोजी करावयाची आहे.
एकादशीचे आदले दिवशी दशमी अशी वारकरी भाविकांची भावना असते . परंतू यंदा अनेक वर्षांत अशी परिस्थिती निर्माण झाल्याने श्रीसंत मुक्ताबाई समाधी सोहळयाबाबत वारकरी संप्रदायातील जेष्ठ -श्रेष्ठ मंडळींशी विचार विनिमय करून त्यांनी व्यक्त केलेल्या मतानुसार व पंचांगात दिल्याप्रमाणे वैशाख कृष्ण दशमी तिथी 4 जुन रोजीच असल्याने त्याच दिवशी यावर्षीचा 724 वा संत मुक्ताबाई अंतर्धान समाधी सोहळा साजरा करण्याचे ठरले आहे.
संत मुक्ताबाई संस्थान कोथळी-मुक्ताईनगर येथे यंदाही प्रातिनिधिक स्वरूपात 4 जुन रोजीच समाधी सोहळा साजरा करण्यात येईल. कोरोना जागतिक महामारीचे पार्श्वभूमीवर प्रत्येकाने आपल्या घरी राहूनच अंतर्धान सोहळा साजरा करावा असे आवाहन संस्थानचे अध्यक्ष भैय्यासाहेब रविंद्र पाटील यांनी केले आहे.