जळगाव लाईव्ह न्यूज । १६ मार्च २०२१ । यावल तालुक्यातील कोरपावली गावात सावखेडा सिम प्राथमिक आरोग्य केन्द्राच्या माध्यमातुन आरोग्य तपासणी मोहीम सुरू करण्यात आली असून या तपासणी मोहीमेत गावातील महालेवाडयात चार कोरोना पॉझीटीव्ह रुग्ण मिळुन आले आहे.
या क्षेत्रात प्रतिबंधीत क्षेत्र म्हणुन घोषीत करण्यात आले असुन या प्रतिबंधीत क्षेत्राला सरपंच , ग्रामसेवक यांच्यासह आशा कर्मचारी यांनी बाधीत कुटुंबाच्या आरोग्याची काळजी म्हणुन भेट देवुन सविस्तर माहीती मिळवली . दरम्यान दिनांक १० मार्च रोजी सावखेडा सिम प्राथमिक आरोग्य केन्द्राव्दारे वैद्यकीय अधिकारी डॉ . गौरव भोईटे , वैद्यकीय अधिकारी डॉ .नसीबा तडवी यांच्या मार्गदर्शनाखाली कोरपावली गावातील एकुण ८ कुटुंबांतील ३oजणांच्या आरोग्य तपासणीत एकुण चार जण हाय रिक्स कोरोना पॉझीटीव्ह आढळुन आले होते.
तर २४ जण हे लो रिक्स विविध आजारांनी ग्रस्त असल्याचे मिळुन आलीत, एकुण ३० जणांची आरोग्य तपासणी करण्यात आली यात रोग प्रतिकार क्षमता कमी असलेले ६ जण मधुमेहच्या आजाराचे १ रक्तदाब व ह्वदयरोगाचे रुग्ण ५ तर१o वर्षाखालील बालके व ५० वर्षावरील ११ व्यक्ती हे व्याधीग्रस्त मिळुन आले आहे.
कोरपावली गावाचे सरपंच विलास नारायण अडकमोल, उपसरपंच हमीदाबी पिरण पटेल, ग्रामसेवक प्रविण सपकाळे, आशा कर्मचारी नजमा अरमान तडवी, हिराबाई सुखदेव पांडव ,हसीना सिकंदर तडवी या प्रतिबंधीत क्षेत्रावर नियमित भेट देवुन रूग्णांच्या आरोग्याची घेत आहे . त्याचप्रमाणे गावातील सरपंच विलास अडकमोल यांनी शासनाच्या व आरोग्य प्रशासनाच्या कोवीड19या आदेशाची काटेकोर अमलबजावणी ग्रामस्थांनी करून आपली आपल्या कुटुंबाच्या आणि गावाच्या ग्रामस्थांच्या आरोग्याची काळजी घ्यावी असे आवाहन केले आहे.
