जळगाव लाईव्ह न्यूज । ११ सप्टेंबर २०२२ । बँकेत खाती असलेल्या करोडो ग्राहकांसाठी मोठी बातमी आहे. आत्तापर्यंत अनेक बँका आणि वित्तीय संस्थांचे परवाने आरबीआयने रद्द केले आहेत. त्याचवेळी आता रिझर्व्ह बँकेने महाराष्ट्रातील एका बँकेचा परवाना रद्द करण्याचा निर्णय घेतला आहे. आरबीआयच्या या निर्णयानंतर ही बँक 22 सप्टेंबरपासून म्हणजेच या महिन्यापासून बंद होणार आहे.
RBI ने परवाना रद्द केला
ऑगस्टमध्ये आरबीआयने पुणेस्थित रुपी को-ऑपरेटिव्ह बँक लिमिटेडचा परवाना रद्द करण्याचा निर्णय घेतला होता. आरबीआयच्या निर्णयानंतर 22 सप्टेंबरपासून या बँकेची बँकिंग सेवा बंद होणार आहे, ज्या ग्राहकांचे पैसे या बँकेत आहेत त्यांच्यासाठी ही महत्त्वाची बातमी आहे.
परवाना का रद्द केला?
रिझर्व्ह बँकेने सांगितले आहे की बँक 22 सप्टेंबर रोजी आपला व्यवसाय बंद करेल. यानंतर, ग्राहक त्यांचे पैसे जमा करू शकणार नाहीत किंवा काढू शकणार नाहीत. याशिवाय तुम्ही कोणत्याही प्रकारचे आर्थिक व्यवहार करू शकणार नाही. आरबीआयने म्हटले आहे की बँकेकडे पुरेसे भांडवल आणि पुढील कमाईची शक्यता नाही. या कारणास्तव या बँकेचा परवाना रद्द करण्यात येत आहे.
5 लाख रुपये मिळतील
रिझर्व्ह बँकेच्या नियमांनुसार बँकिंग नियमन कायदा, 1949 च्या कलम 11(1) आणि कलम 22(3)(d) तसेच बँकिंग नियमन कायदा, 1949 च्या कलम 56 चे पालन करत नाही. बँक कलम 22(3)(a), 22(3)(b), 22(3)(c), 22(3)(d) आणि 22(3)(e) चे पालन करण्यात अयशस्वी ठरली आहे. DICGC कायदा, 1961 च्या तरतुदींच्या अधीन राहून, प्रत्येक ठेवीदाराला ₹ 5,00,000 (रुपये पाच लाख) पर्यंत ठेव विमा दाव्याची रक्कम प्राप्त करण्याचा अधिकार असेल.
