जळगाव महानगरपालिकेच्या महापौर व उपमहापौर पदासाठीच्या निवडणुकीआधीच ३० नगरसेवकांनी भाजपला रामराम करत शिवसेनेत प्रवेश केला असल्याची माहिती भाजपचे बंडखोर नगरसेवक तथा शिवसेनेचे उपमहापौरपदाचे उमेदवार कुलभूषण पाटील यांनी दिली.
दरम्यान, भाजपने जळगावकर नागरिकांना दिलेली आश्वासने पूर्ण केली नसून फक्त ठेकेदारांची घरे भरली अशी, घणाघात टीका कुलभूषण पाटील यांनी केली आहे. भाजपमधील ३० सदस्यांनी शिवसेनेत प्रवेश केल्याची माहिती देखील त्यांनी दिली.
ते म्हणाले २०१८ साली भाजपने जळगावकरांना खूप मोठी आश्वासने दिली होती. मात्र प्रत्यक्षात असे झाले नाही. भाजपने फक्त ठेकेदारांची घरे भरली. यामुळे आपण शिवसेनेत प्रवेश केला असून आपल्यासोबत ३० नगरसेवकांनी भाजपचा त्याग करून शिवसेनेत प्रवेश केल्याची माहिती देखील कुलभूषण पाटील यांनी दिली.
