जळगाव लाईव्ह न्यूज । १ सप्टेंबर २०२१ । जळगाव शहराला पाणीपुरवठा करणाऱ्या वाघूर जलवाहिनीवरील केबल दुरुस्तीच्या कामामुळे वाघूर पंपींग स्टेशनला होणारा विज पुरवठा सकाळपासून बंद राहणार आहे. त्यामुळे शहराचा पाणी पुरवठा एक दिवस पुढे ढकलण्यात आला आहे.
शहराला पाणी पुरवठा करण्याकामी पाणी पुरवठा योजनेंतर्गत मानराज मोटर्स समोरील १५०० मिमी व्यासाच्या पाईपलाईनच्या गळतीचे काम आज दि.१ रोजी हाती घेण्यात आले आहे. कामामुळे वाघूर पंपींग स्टेशनला होणारा विज पुरवठा उद्या दि.२ रोजी सकाळी ९ वाजेपासून बंद राहणार आहे. त्यामुळे शहराचा पाणी पुरवठा एक दिवस पुढे ढकलण्यात आला आहे.
यानुसार दि.२ रोजीचा पाणी पुरवठा ३ रोजी करण्यात येईल तसेच ३ व ४ रोजीचा पाणीपुरवठा अनुक्रमे ४ व ५ रोजी करण्यात येईल असे शहर अभियंता यांनी कळविले आहे. तसेच पाण्याचा वापर काटकसरीने करावा, असे आवाहन मनपाकडून करण्यात आले आहे.
