जळगाव लाईव्ह न्यूज । १२ मे २०२२ । तुम्हीही गुजरातला जाण्याचा विचार करत असाल तर तुमच्यासाठी एक आनंदाची बातमी आहे. भारतीय रेल्वेने तुमच्यासाठी एक 3 दिवसांची छोटी ट्रिप (IRCTC टूर पॅकेज) आणली आहे. या रेल्वे प्रवासात तुम्हाला अहमदाबाद आणि आसपासच्या परिसराला भेट देण्याची संधी मिळेल. यासोबतच या पॅकेजमध्ये तुम्हाला अंबाजी पाहण्याचीही संधी मिळणार आहे. तसेच तुम्ही जगातील सर्वात उंच स्टॅच्यू ऑफ युनिटी आणि लक्ष्मी विलास पॅलेसलाही भेट देऊ शकता. IRCTC ने ट्विट करून याबाबत माहिती दिली आहे.
या टूर पॅकेजला केवडिया टूर विथ अहमदाबाद – अंबाजी दर्शन एक्स वडोदरा असे नाव देण्यात आले आहे. हे टूर पॅकेज दर बुधवार आणि शुक्रवारी सुरू होते. दोन रात्री आणि तीन दिवसांच्या या टूर पॅकेजमध्ये तुम्हाला अहमदाबाद आणि आसपासच्या परिसराला भेट देण्याची संधी मिळेल.
किती खर्च येईल
दुहेरी शेअरिंगसाठी, तुम्हाला प्रति व्यक्ती 8890 रुपये खर्च करावे लागतील. याशिवाय ट्रिपल शेअरिंगसाठी प्रति व्यक्ती 8590 रुपये खर्च केले जातील. त्याच बरोबर बेड विथ चाइल्ड चाईल्ड बद्दल बोलायचे झाले तर प्रति मुलासाठी ७३९० रुपये खर्च करावे लागतील. या IRCTC पॅकेजबद्दल अधिक माहितीसाठी, तुम्ही http://bit.ly/3FlMvnB अधिकृत लिंकला देखील भेट देऊ शकता.
काय आहे विशेष?
या टूर पॅकेजमध्ये IRCTC पर्यटकांच्या राहण्याची आणि प्रवासाची व्यवस्था करेल. तसेच नाश्ता आणि रात्रीचे जेवण देखील या पॅकेजमध्ये समाविष्ट केले जाईल. पहिल्या दिवशी पर्यटकांना वडोदरा रेल्वे स्थानकावरून लक्ष्मी विलास पॅलेस आणि बडोदा संग्रहालय यासारख्या प्रेक्षणीय स्थळांवर नेले जाईल. त्यानंतर स्टॅच्यू ऑफ युनिटीचे दर्शन घेतले जाईल. अहमदाबादमधील हॉटेलमध्ये रात्रीचा मुक्काम होईल. दुसऱ्या दिवशी सकाळी अंबाजी मंदिरात दर्शन घेतले जाईल. दौऱ्याच्या तिसऱ्या आणि शेवटच्या दिवशी साबरमती आश्रम, कांकरिया तलाव आणि अक्षरधाम मंदिराला भेट दिली जाईल.
