‘हिंदुस्थानी भाऊ’ उद्या जळगावात, सभागृह नेते ललित कोल्हेंना देणार शुभेच्छा

जळगाव लाईव्ह न्यूज । २० जानेवारी २०२२ । सोशल मिडियातील प्रसिद्ध सेलेब्रिटी आणि बिग बॉस फेम हिंदुस्थानी भाऊ म्हणजेच विकास पाठक उद्या दि.२१ रोजी जळगावात येत आहेत. माजी महापौर तथा विद्यमान सभागृह नेते ललित कोल्हे यांचा दि.२२ रोजी वाढदिवस असल्याने त्यांना शुभेच्छा देण्यासाठी ते जळगावात येत आहेत.

विकास पाठक हे नाव ऐकून तुमच्या डोळ्यासमोर कोणी आलं का? मग ‘हिंदुस्थानी भाऊ’ म्हटल्यावर नक्कीच तुमच्या नजरेसमोर एका तरुणाचा चेहरा आणि त्याच्यावरचे मीम्स धडाधड आले असतील. ‘पहले फुर्सत में निकल’ असं म्हणत सोशल मीडियावर धुमाकूळ घालणारा हा पठ्ठ्या ‘बिग बॉस 13’ मध्ये वाईल्ड कार्ड घेऊन आला आणि सर्वांच्या पसंतीला उतरला होता.

आपल्या हटके स्टाईलने अनेकांना घायाळ करणाऱ्या हिंदुस्थानी भाऊचे सोशल मीडिया आणि प्रत्यक्षात लाखो फॉलोअर्स आहेत. जळगाव मनपाचे माजी महापौर, सभागृह नेते ललित कोल्हे यांची हिंदुस्थानी भाऊसोबत घट्ट मैत्री आहे. ललित कोल्हे यांचा दि.२२ रोजी वाढदिवस असून त्यांना शुभेच्छा देण्यासाठी ‘हिंदुस्थानी भाऊ’ उद्या दि.२१ रोजी विमानाने जळगावात येणार आहे. इतकंच नव्हे तर रात्री जळगावात मुक्कामी थांबून ते ललित कोल्हे यांना शुभेच्छा देऊन त्यांच्यासोबत वेळ देखील घालवणार आहे.

हेही वाचा :

• जळगावात आयटीआय बाहेरील कचरा प्रश्नावर अभाविप आक्रमक ; १७ सप्टेंबरला ठिय्या आंदोलनाचा इशारा
• Jalgaon : बस स्थानकांवर चोऱ्या करणारा सराईत अटकेत ! 3 गुन्हे उघड, लाखोंचे दागिने हस्तगत
• गणेशोत्सवाच्या धामधुमीत जळगाव हादरले; आईसह ५ वर्षाच्या चिमुकल्याचा दुर्दैवी मृत्यू
• सायबर भामट्याचा नवा फंडा! रिचार्ज अपडेटच्या बहाण्याने जळगावच्या वृद्धाची १० लाखांची फसवणूक
• जळगावात बाप्पाच्या आगमनाची लगबग, आकर्षक मूर्ती विक्रीसाठी उपलब्ध!