जळगाव लाईव्ह न्यूज । २२ आक्टोबर २०२२ । पाचोरा तालुक्यातील पिंपळगाव हरेश्वर येथील २७ वर्षीय तरुणास ऑनलाईनच्या माध्यमातून ८५ हजार ५०० रुपयाचा गंडा घातल्याची घटना उघडीस आली आहे. या प्रकरणी पिंपळगाव हरेश्वर पोलिसात एकाविरोधात गुन्हा दाखल करण्यात आला.
तालुक्यातील पिंपळगाव हरेश्वर येथील २७ वर्षीय तरुण शुभम रविद्र पाटील हा ऑनलाईनच्या माध्यमातून ट्रेडिंग करीत असताना त्याने युपीआयद्वारे ८५ हजार ५०० रुपये ९९०७४०८१३५ या मोबाईल धारकाला टाकले. परंतु त्याने परत देण्यास नकार दिल्याने तरुणाची फसवणूक झाली.
---Advertisement---
या प्रकरणी पिंपळगाव हरे.पोलिसात तरुणाने दिलेल्या फिर्यादीवरून गुन्हा दाखल करण्यात आला असून पुढील तपास पो.ना.शैलेश चव्हाण हे करीत आहेत.
