जळगाव लाईव्ह न्यूज । २६ डिसेंबर २०२१ । मुक्ताईनगर येथे शिवसेना व राष्ट्रवादी यांचे कार्यकर्त्यांमध्ये वाद होऊन परस्परविरोधी गुन्हे दाखल झाले होते. याच बाबतीत जिल्हा बँक संचालिका रोहिणी खडसे खेवलकर यांनी आमदारास देखील वेळ पडल्यास चोप देऊ असे वक्तव्य केल्याने वाद निर्माण झाला. याचा निषेधार्थ सावदा शहर शिवसेनेतर्फे येथील पोलिसात निवेदन देत. सदर बाबतीत गुन्हा दाखल करण्याची मागणी करण्यात आली आहे.
निवेदनात म्हटले आहे की, शनिवारी जळगाव लाईव्ह न्यूजवर माजी मंत्री एकनाथ खडसे यांच्या कन्या रोहिणी खडसे खेवलकर यांनी आमदारांना चोप देण्याची भाषा केल्याची वृत्त प्रसिद्ध झालेले आहे. त्यानुसार तमाम जनतेचे लोप्रतिनिधीत्व करणाऱ्या व्यक्तीच्या जीवितावर खडसे कुटुंबीय उठलेले दिसून येत असून, अतिशय वैफल्यग्रस्त झालेल्या रोहिणी खडसे खेवलकर यांच्वयार चिथावणीखोर वक्तव्य केल्याप्रकरणी तात्काळ गुन्हा दाखल करण्यात यावा, अन्यथा शिवसेनेतर्फे तीव्र स्वरूपाचे आंदोलन करण्यात येईल याची नोंद घ्यावी, त्यानंतर होणाऱ्या परिणामास प्रशासन जवाबदार असेल असे निवेदन पोलीस निरीक्षकांना देण्यात आले आहे व सदर व्यक्तव्याचा निषेध व्यक्त करण्यात आला आहे.
या निवेदनावर शहराध्यक्ष सूरज परदेशी, भरत नेहेते, धनंजय चौधरी, विश्वनाथ माळी, सुनील चौधरी, शाहरुख तडवी, अशरफ तडवी, सुभाष सपकाळे, गणेश माळी, किरण गुरव यांचेसह अनेक शिवसैनिकांच्या स्वाक्षऱ्या आहेत.
हे देखील वाचा :
- माझ्या सख्ख्या भाच्याला गिरीश महाजनांनी… एकनाथ खडसेंचा बॉम्बगोळाने राजकीय वर्तुळात खळबळ
- भाजपमधून शिवसेनेत उन्मेष पाटील, करण पवार कुठेय? संजय राऊत म्हणाले, ते..
- जळगावच्या राजकारणात मोठी घडामोड ; सुरेश जैन आणि संजय राऊतांची 15 मिनिटे बंद दाराआड चर्चा
- ..तर मीही अजितदादांच्या राष्ट्रवादीत येणार ; एकनाथ खडसेंच्या वक्तव्याने राजकीय वर्तुळात चर्चा
- … म्हणून राजकीय पुढाऱ्यांना बँका कर्ज देत नाही, मंत्री गुलाबराव पाटलांनी सांगितले कारण..
