जळगाव लाईव्ह न्यूज । २८ एप्रिल २०२१ । राष्ट्रवादी काँग्रेसचे नेते एकनाथ खडसे Eknath Khadse आणि गिरीश महाजन Girish Mahajan यांच्यात व्हायरल ऑडियो क्लीपवरुन सुरु झालेला वाद चांगलाच वाढला आहे. गिरीश महाजन यांनी खडसेंचं मानसिक संतुलन बिघडल्याची अतिशय बोचरी टीका खडसेंवर केली होती. या टीकेवर एकनाथ खडसेंनी देखील जोरदार प्रत्युत्तर दिलं आहे.
गिरीश महाजन यांचा आपल्याला सर्व इतिहास माहिती असून त्यांना राजकारणात जन्माला मी आणलं, असं मोठं विधान खडसे यांनी केलं आहे. यासोबतच त्यांच्या राजकारणात आर्थिक मदत मी दिली. त्यांच्या प्रचारासाठी गल्लोगल्ली मी फिरलो. म्हणून आज गिरीश भाऊ दिसत आहेत. मी कोणाची हाजीहाजी करत नाही. मी कोणाचे पाय चाटत नाही अशी खोचक टीका देखील नाथाभाऊंनी केली आहे.
एकनाथ खडसेंच वय झाल्याने मानसिक संतुलन बिघडलंय; गिरीश महाजनांची टीका
एकनाथ खडसेंच वय झाल्याने मानसिक संतुलन बिघडलंय; गिरीश महाजनांची टीका
नेमकं प्रकरण काय?
एकनाथ खडसे यांच्या दूरध्वनीवरील संभाषणाची एक ऑडिओ क्लीप सध्या व्हायरल झाली आहे. या क्लीपमध्ये जामनेरमधील एक व्यक्ती पाणी नसल्याची तक्रार एकनाथ खडसे यांना करताना ऐकू येत आहे. त्यावर एकनाथ खडसे यांनी मग मग तुमचा आमदार गिरीश मेला का? तो फक्त पोरींचे फोन उचलतो, असे वक्तव्य केले. या क्लीपवर गिरीश महाजन यांनी प्रतिक्रिया दिली. यावेळी त्यांनी खडसे यांचं मानसिक संतुलन बिघडल्याचं वक्तव्य केलं.
एकनाथ खडसे यांची व्हायरल होणारी ऑडिओ क्लीप ऐका :
https://www.facebook.com/114263107373939/videos/837646906829667/
