जळगाव लाईव्ह न्यूज । २२ जून २०२१ । माजी मंत्री एकनाथराव खडसे सध्या फार सक्रिय झाले असून अनेक नेत्यांच्या ते सध्या भेटी घेत आहेत. आज त्यांनी महसूल मंत्री तथा काँग्रेसचे ज्येष्ठ नेते बाळासाहेब थोरात यांची भेट घेऊन त्यांच्याशी चर्चा केली. याप्रसंगी आमदार रोहित पवार यांची देखील उपस्थिती होती.
माजी मंत्री एकनाथराव खडसे हे बर्याच दिवसांपासून मुंबईत असून त्यांनी राष्ट्रवादीचे सर्वेसर्वा शरद पवार यांच्यासह अनेक मान्यवरांच्या भेटी घेतल्या आहेत. तर सुप्रीया सुळे यांच्यासह अनेक नेत्यांनी खडसे यांच्या मुंबई येथील निवासस्थानी भेट दिली आहे.
जळगाव जिल्ह्यात बीएचआर घोटाळ्यावरून होत असलेल्या कारवाया आणि एकनाथ खडसेंच्या भेटी यावरून जोरदार राजकीय चर्चा सुरु आहेत.
