जळगाव लाईव्ह न्यूज । २९ सप्टेंबर २०२२ । राष्ट्रवादी काँग्रेसचा बालेकिल्ला असलेल्या बारामतीत भाजपने खिंडार पाडल आहे. राष्ट्रवादीच्या सातारा जिल्हा महिला आघाडीच्या माजी जिल्हा निरीक्षक डॉ. अर्चना पाटील (Archana Patil) यांनी भाजपचे प्रदेशाध्यक्ष चंद्रशेखर बावनकुळे (Chandrashekhar Bawankule) यांच्या उपस्थितीत भाजपात प्रवेश केला.
यावेळी डॉ पाटील म्हणाल्या की भाजप हा राष्ट्रीय पक्ष आहे, ओबीसींना भाजपने न्याय दिला आहे, महाविकास आघाडी सरकारने ओबीसींचे आरक्षण घालवले परंतु भाजपची सत्ता येताच ओबीसींना उपमुख्यमंत्री देवेंद्र फडणवीस यांच्यामुळे आरक्षण मिळाले, असे त्या म्हणाल्या. दरम्यान, दोन वर्षांपूर्वी त्यांनी राष्ट्रवादीचे दिग्गज नेते आणि विरोधी पक्षनेते अजित पवार यांच्या उपस्थितीमध्ये त्यांनी राष्ट्रवादी काँग्रेस पक्षामध्ये प्रवेश केला होता. त्यावेळी अजित पवार यांनी थेट सातारा जिल्हा निरीक्षकपदी डॉ अर्चना पाटील यांची नियुक्ती केली होती.
डॉ अर्चना पाटील यांचे इंदापूर तालुक्यातील लासूर्णे गाव आहे. इंदापूर तालुक्यातील लासूर्णेचे घराणे हे बडे प्रस्थ मानले जाते. डॉ अर्चना पाटील यांचे आजोबा दिनकरराव पाटील यांचा माजी खासदार शंकरराव पाटील यांच्या विरोधात विधानसभेला थोड्या मताने पराभव झला होता. त्यामुळे त्यांच्या प्रवेशाने हर्षवर्धन पाटील यांना चांगले बळ मिळेल, असा विश्वास व्यक्त केला जात आहे.
यापूर्वी त्यांनी महादेव जानकर यांच्या रासपचे प्रदेश सचिव म्हणून काम केले आहे. डॉ पाटील यांची इंदापूर तालुक्यासह बारामती लोकसभा मतदारसंघात ओबीसी समाजाचा आक्रमक चेहरा म्हणून ओळख आहे. त्या MBBS radiologist आहेत.
