जळगाव लाईव्ह न्यूज । २८ एप्रिल २०२१ । जळगाव जिल्ह्यात आज बुधवारी कोरोनाच्या नव्या रुग्णांपेक्षा बरे होणाऱ्या रुग्णांची संख्या अधिक आहे. आज दिवसभरात १ हजार १२५ रुग्ण बरे होऊन घरी गेले आहे. तर आज १ हजार ०६ नवे बाधित रुग्ण आढळून आले आहे.
मार्च व एप्रिलच्या प्रारंभी कोरोनाने घातलेले थैमान जिल्ह्यात काहीअंशी कमी झाले आहे. गेल्या दोन आठवड्यांपूासून नव्याने बाधितांची संख्या स्थिर असून बरे होणाऱ्यांचा आकडा समाधानकारक आहे. आज बुधवारी १००६ नवे रुग्ण आढळून आले आहे. त्यामुळे जिल्ह्यातील एकूण बाधित रुग्णांची संख्या १ लाख १९ हजार ९३४ वर गेली आहे. आज ११२५ रुग्ण बरे झाले असून बरे होणाऱ्या रुग्णांची एकूण संख्या १ लाख ७ हजार ०२६ वर गेला आहे. दरम्यान आज दिवसभरात २० रुग्णांचा मृत्यू झाला आहे. जिल्ह्यात एकूण मृताचा आकडा हा २१४२ वर गेला आहे. जिल्ह्यात सध्या १० हजार ७६६ रुग्णांवर उपचार सुरु आहे.
जळगाव शहरासाठी दिलासा
मागील काही दिवसापासून जळगाव शहरात नव्या बाधित रुग्णांपेक्षा बरे होणाऱ्या रुग्णांची संख्या अधिक आहे. त्यामुळे हॉटस्पॉट ठरलेल्या शहराला हा दिलासादायक आहे. आज जळगाव शहरात १७३ नवे रुग्ण आढळून आले आहे. तर आजच २२० रुग्ण बरे होऊन घरी गेले आहे. त्यामुळे शहरातील सक्रिय रुग्णसंख्याही घटत आहे. शहरात सध्या एक हजार ८३९ रुग्ण उपचार घेत आहे. शहरात आजपर्यंत ४९५ जणांचा मृत्यू झाला आहे.
जळगाव शहर- १७३ जळगाव ग्रामीण- ४७, भुसावळ-१३०, अमळनेर-६०, चोपडा- ९७, पाचोरा- ४७, भडगाव-११, धरणगाव- ३३, यावल- २५, एरंडोल- ७३, जामनेर- ३८, रावेर- ७०, पारोळा- २०, चाळीसगाव- ५०, मुक्ताईनगर- ९०, बोदवड-३५ आणि इतर जिल्हे ०७ असे एकुण १००६ बाधित रूग्ण आढळले आहे.
