जळगाव लाईव्ह न्यूज । १२ मे २०२१ । जळगाव जिल्ह्यात मागील काही दिवसापासून कोरोना संसर्गाचा आलेख स्थिर आहे. आज बुधवारी दिवसभरात ८४९ नव्या रुग्णांची नोंद झाली आहे. तर आज ८४७ रुग्ण बरे होऊन घरी गेले आहे.
जळगाव जिल्ह्यात गेल्या जवळपास महिनाभरापासून कोरोना संसर्गाचा आलेख स्थिर आहे. तीन-चार आठवड्यांपासून दररोज आढळून येणाऱ्या नव्या रुग्णांची संख्या कमी होत आहे.बुधवारी प्राप्त ७ हजार २३६ चाचण्यांच्या अहवालातून ८४९ नवे रुग्ण समोर आलेत. त्यामुळे जिल्ह्यातील एकूण रुग्णसंख्या १ लाख ३२ हजार ४२३ झाली असून ८४७ रुग्ण बरे होऊन घरी गेले. त्यामुळे बरे होणाऱ्यांचा आकडा १ लाख २० हजार १५५ झाला आहे.
दोन दिवसांपासून दररोजच्या मृत्युंची संख्याही थोडी कमी झाली आहे. आज ११ जणांचा बळी गेला, त्यामुळे बळींचा एकूण आकडा २३७४ वर पोचला आहे.
आजची आकडेवारी
जळगाव शहर ८६, जळगाव ग्रामीण २२, भुसावळ १६३, अमळनेर २६, चोपडा ४२, पाचोरा १५, भडगाव ०८, धरणगाव १५, यावल २५, एरंडोल २२, जामनेर ६१, रावेर ५२, पारोळा १६, चाळीसगाव ४८, मुक्ताईनगर १७१, बोदवड ५१, अन्य जिल्ह्यातील २६.
