जळगाव लाईव्ह न्यूज । २० एप्रिल २०२१ । कोरोनाचा वाढता संसर्ग लक्षात घेता राज्य शासनाने अत्यावश्यक सेवा, सुविधा देणाऱ्या दुकानांचा वेळ सकाळी ७ ते ११ सुरु ठेवण्याचा निर्णय आज घेण्यात आला आहे. त्यानुसार आज मंगळवारी जिल्हाधिकारी अभिजित राऊत यांनी याबाबतचे अधिकृत आदेश जारी केले आहेत.
१) सर्व किराणा, भाजी दुकाने, फळ दुकाने , डेअरी, बेकरी, बेकरी, मिठाई दुकाने, सर्व खाद्य दुकाने ( चिकन, मटन, पोल्ट्री , फिश, अंडी विक्रेते सही ), कृषि उत्पादनशी संबंधित दुकाने , पाळीव प्राण्यांची खाद्य दुकाने, येणाऱ्या पावसाळ्याशी संबंधित वस्तूंची दुकाने ही दररोज सकाळी ७ ते सकाळी ११ या वेळेतच सुरू राहतील.
२) वरील प्रमाणे नमूद दुकानांना घरपोच सुविधा (होम डिलिव्हरी) केवळ सकाळी ७ ते रात्री ८ वा. यावेळेत देता येईल.
३) या आदेशात नमूद केलेल्या बाबी व्यतिरिक्त इतर सर्व अति व शर्ती ह्या शासन आदेश दि. १३ एप्रिल २०२१ नमूद केल्यानुसार लागू राहतील.
वरील प्रमाणे लागू करण्यात आलेल्या निर्बधांचे पालन होत आहे किंवा नाही याची जबाबदारी संयुक्तिकरीत्या पोलीस विभाग व संबधित स्थानिक स्वराज्य संस्था यांची राहील.
त्यानंतर संपूर्ण दिवसभर ही दुकानं बंद राहणार आहेत. मात्र या दुकानांना सकाळी ७ ते रात्री ८ यावेळेत होम डिलिव्हरी करता येईल.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
