जळगाव लाईव्ह न्यूज । ६ एप्रिल २०२५ । जळगाव महापालिकेतून तहसीलदार यांचे बनावट सही व शिक्के करून जन्म, मृत्यू दाखले दिल्याचे उघड झाल्याने खळबळ उडाली आहे. अखेर याप्रकरणी ४३ जणांवर फौजदारी गुन्हा दाखल झाला आहे. नायब तहसीलदार नवीनचंद्र अशोक भावसार (वय ५३, रा. कोल्हे नगर, जळगाव) यांनी शहर पोलिसांत फिर्याद दिली.
नेमकं प्रकरण काय?
महापालिकेच्या जन्म-मृत्यू नोंदणी विभागाने एकूण ५० दाखले जारी केले होते. काही दिवसांपूर्वी या दाखल्यांच्या सत्यतेबाबत शंका आल्यानंतर तहसीलदारांनी चौकशीचे आदेश दिले. चौकशीत धक्कादायक माहिती समोर आली. ५० पैकी ७ अर्जच वैध ठरले. तर उर्वरित ४३ दाखले अवैध आणि बनावट असल्याचे स्पष्ट झाले. बनावट ठरलेल्या ४३ अजर्जापैकी ११ जणांचे जन्म किंवा मृत्यू अर्ज तहसील कार्यालयाच्या आवक रजिस्टरमध्ये नोंदवलेलेच नाही. याचा अर्थ त्यांचे अर्ज कार्यालयात सादर न करताच बनावट दाखले तयार करण्यात आले आहेत. या गैरव्यवहारात जळगाव शहरासह नशिराबाद येथील नागरिकांचा समावेश आहे.
तसेच यावल व मुंबई येथील प्रत्येकी एक व्यक्ती आहे.
यांच्यावर दाखल केला गुन्हा
नायब तहसीलदार नवीनचंद भावसार यांनी दाखल केलेल्या फिर्यादीनुसार जळगाव शहरातील चांद महंमद प्यारजी बागवान, असलम खान सादिक खान, अशफाक बुढान बागवान, बुशरा खान मोहम्मद इस्लाउद, मोहसिन चांद मोहम्मद, निगार सुलताना हाफिज खान, समीर खान अयुब खान, नसरीन बानो आयुब खान, अफजल खान आयुब खान, नदीम खान हाफिज खान, शिरीष बानो फरीक शहा, आरिफ खान इसाखान, शहाआरिफ अहमद, समशेर बेग तुराब बेग, तोसिफ शहा जिनाउल्ला शहा, तुराब वेग गुलाब बेग, शहनाजबी शेख मुनीर, वाहेदाबी अब्दुल गणी, शोहरत अली शरीफ मुनसारी, शेख शांनदोस शेख इसाक, नुसरत बानो, जबी उल्ला शहा, शहा अयाज अहमद अब्दुल अजीज, मोहम्मद वसीम जबी मुल्ला शहा, मोहम्मद जफर जबी उल्ला शहा, जनीक परविन अमानुउल्ला शहा, बिस्मिल्लाह खान, शेख सलीम शेख बशीर, शेख अनिल शेख बशीर, मोहम्मद अखिल शेख बशीर, मोहम्मद कलीम शेख बशीर, शरीफ नईमोद्दीन, मोहम्मद शकील शेख बशीर, अमरीन रशीद पटेल, जाकीर फकीर मोहम्मद तांबोळी, तबसून परविन मोहम्मद इकबाल, शेख मोहम्मद इकबाल अब्दुल रहीम, राहत नाज जबीउल्ला शहा, अंजूमबी शेख फरीद, तसलीमा बी शेख यासिम, नशिराबाद येथील कनिज रज्जाबी अब्दुल गणी, मुंबई येथील अब्दुल्ला अजगर अली सय्यद, यावल येथील खान असदुल्ला खान हाफिज यांच्यावर गुन्हा दाखल करण्यात आला आहे.
