जळगाव लाईव्ह न्यूज । १३ ऑगस्ट २०२३ । कर्ज घेण्याची गरज कधीही उद्भवू शकते. मात्र, बँकांकडून कर्ज घेतल्यास बँका प्रक्रिया शुल्कही आकारतात. मात्र, आता एका बँकेने प्रक्रिया शुल्क माफ करण्याची घोषणा केली आहे. यामुळे कर्जदारांना काहीसा दिलासा मिळण्याची अपेक्षा आहे. बँक ऑफ महाराष्ट्रने (Bank of Maharashtra) कर्जावरील प्रक्रिया शुल्क माफ करण्याची घोषणा केली आहे. यासोबतच व्याजदरात कपात करण्याची घोषणा करण्यात आली आहे.
सरकारी मालकीची बँक ऑफ महाराष्ट्र (BoM) ने गृह आणि कार कर्जावरील व्याजदरात 0.20 टक्क्यांपर्यंत कपात केली आहे. याशिवाय बँकेने प्रक्रिया शुल्क माफ करण्याची घोषणा केली. या कपातीमुळे, गृहकर्ज सध्याच्या 8.60 टक्क्यांऐवजी आता 8.50 टक्के दराने उपलब्ध होईल. दुसरीकडे, कार कर्ज 0.20 टक्के ते 8.70 टक्क्यांनी स्वस्त करण्यात आले आहे.
या तारखेपासून नवीन दर लागू होतील
बँक ऑफ महाराष्ट्रने एका निवेदनात म्हटले आहे की, नवीन दर १४ ऑगस्टपासून लागू होणार आहेत. बँकेने म्हटले आहे की कमी व्याजदराचे दुहेरी फायदे आणि प्रक्रिया शुल्क माफ केल्याने ग्राहकांवरील आर्थिक भार कमी होण्यास मदत होईल. अशा स्थितीत ग्राहकही बँकेकडून कर्ज घेण्यास आकर्षित होतील. त्याचवेळी, गेल्या वर्षभरात बँक ऑफ महाराष्ट्रच्या शेअरच्या किमतीत वाढ झाली आहे.
