जळगाव लाईव्ह न्यूज । २९ जून २०२३ । सनी देओल आणि अमिषा पटेल यांच्या ‘गदर 2’ मधील ‘उड जा काले कावा’ हे पहिले गाणे रिलीज झाले आहे. तारा आणि सकिना यांच्या प्रेमकथेला पुढे नेणारा ‘गदर २’ हा चित्रपट येणार आहे. या चित्रपटाची चाहत्यांना प्रचंड उत्सुकता आहे. गदर 2 मधील उद जा काळे कावा हे गाणे आज रिलीज झाले असून पुन्हा एकदा दोघांचा रोमान्स पाहायला मिळत आहे.
गदर 2 चित्रपट 11 ऑगस्ट रोजी चित्रपटगृहात प्रदर्शित होणार आहे. नवीन उद जा काळे कावा या गाण्याचे मूळ गायक, उदित नारायण आणि अलका याज्ञिक यांनी गायले आहे.
स्वर्गीय आनंद बक्षी यांचे मूळ गीत कायम ठेवण्यात आले आहे. दिल तो पागल है-फेमच्या उत्तम सिंग यांनी मूळ गाणी रचली होती, तर मिथूनने नवीन गाण्याचे कॉम्पोजिशन आणि मांडणी केली आहे. तथापि, काही अलंकार वगळता, पहिल्या गाण्याचे सार आणि चाल तशीच ठेवण्यात आली आहे.
नवीन गाणे एका हिल स्टेशनमधील त्यांच्या नवीन घरी शूट करण्यात आले आहे. गाण्यात बॅकग्राऊंडला बर्फाच्छादित पर्वतांसह आहे. जिथे अमीषाची (सकीना), गाण्याच्या शेवटच्या भागात भांगडा करताना दिसते. तिने हट्ट केल्यावर सनीची (तारा) ही सहभागी होते.
तर गाण्याच्या शेवटी तारा सिंग स्मशानात दिसत असून तो एका कबरीजवळ बसून रडत आहे. या गाण्यातील दोघांचा रोमान्स अप्रतिम आहे. तसेच स्किनचे निळे डोळे देखील लक्ष वेधून घेत आहेत.
