जळगाव लाईव्ह न्यूज । सुभाष धाडे ।मतदार संघातील जनतेच्या मागणीनुसार मुक्ताईनगर मतदार संघाचे आमदार चंद्रकांत पाटील यांनी वेळोवेळी पाठपुरावा केल्याने मुक्ताईनगर व बोदवड तालुक्यास नगरपंचायत हद्दीअंतर्गत विविध विकासकामांसाठी सुमारे १० कोटी रुपयांचा निधी मंजुर झालेला आहे. या निधी मार्फत मुक्ताईनगर-बोदवड नगरपंचायत हद्दीत विकासाला वाव मिळणार आहे.
या निधीअंतर्गत मुक्ताईनगर हद्दीतील प्रवर्तन चौक ते जुने बस स्थानक पर्यत दुभाजकासह रस्ता डांबरीकरण करणे व जुने बस स्थानक ते श्री स्वामी समर्थ केंद्रापर्यंत तसेच राज डेअरी ते जुने मुक्ताबाई मंदीर पुलापर्यत रस्ता दुभाजकासह काॅक्रिटीकरण करणे, बऱ्हाणपूर रोडवरील मुक्ताईनगर येथील स्मशानभूमीलगत सरंक्षण भिंत बांधकाम करणे, मुक्ताईनगर प्रभाग क्रमांक १ मधील कैलास दैवते-सुभाष खुळे यांदरम्यान आरसीसी गटार बांधकाम करणे,प्रभाग ६ मध्ये भुसावळ नाका ते संजय सुरवाडे यांच्या घरापर्यत आरसीसी गटार बांधकाम करणे, प्रभाग ७ मध्ये गुरु पुष्य प्लायवुड आरसीसी गटार बांधकाम करणे, प्रभाग १२,१४,१५,१७ मध्ये आरसीसी गटार बांधकाम करणे,तसेच मुक्ताईनगर नगरपंचायत हद्दीअंतर्गत विविध प्रवेशद्वारांचे सुशोभीकरण करणे, वायकोळे यांच्या दवाखान्यापासुन राष्ट्रिय महामार्गापर्यत रस्ता मजबुतीकरण व डांबरीकरण करणे यासारख्या कामांचा मंजुरीमध्ये समावेश आहे.
हे देखील वाचा :
- साप पकडणे जीवावर बेतले; दंश केल्याने शेतमजुराचा मृत्यू
- विद्यार्थ्यांसाठी महत्वाची बातमी! १०वी आणि १२वी परीक्षेच्या तारखा जाहीर
- राष्ट्रीय युवा महोत्सव अंतर्गत ‘भारत यंग लीडर्स डायलॉग’ चर्चासत्रात भाग घेण्यासाठी तरुणांना आवाहन
- मुक्ताईनगरमध्ये लागणार धक्कादायक निकाल; संभाव्य आमदार कोण? पाहा..
- उमेदवारांनो मुंबई गाठा! निकलाआधी शरद पवारांच्या महत्त्वाच्या सूचना, वाचा काय आहेत?
