जळगाव लाईव्ह न्यूज । ४ फेब्रुवारी २०२२ । रिक्षात बसलेल्या चार जणांनी ७२ वर्षीय वृद्धाच्या खिशातून जबरदस्तीने १५ हजार रुपये किमतीचे सोन्याचे मंगळसूत्र हिसकावून पळ काढल्याची घटना बुधवारी आकाशवाणी चौक ते विद्युत कॉलनीदरम्यान घडली. शेख जलील शेख इब्राहिम (वय ७२, रा. पंचशील नगर, तांबापुरा) असे वृद्धधाचे नाव आहे. याप्रकरणी रामानंदनगर पोलीसात गुन्हा दाखल झाला आहे.
शेख जलील शेख इब्राहिम बुधवारी सकाळी ११ वाजता जाण्यासाठी आकाशवाणी चौकात थांबले होते तेथे रिक्षा चालकाने त्यांना कुठे जायचे असे विचारले. धुळ्याला जायचे असल्याचे सांगितल्याने आम्हीपण धुळ्यालाच चाललो असे सांगून रिक्षात बसविले. आधीच त्यात मागे तीन तीन जण बसले होते. शेख यांना मध्यभागी बसवून हातचलाखीने खिशातील दागिने काढून घेत शेख यांना विद्युत कॉलनीजवळ सोडून दिले. आपल्या खिशातील मंगळसूत्र गायब झाल्याचा प्रकार लक्षात आल्यानंतर रात्री शेख यांनी रामानंद नगर पोलीस ठाणे गाठून तक्रार दिली. त्यानुसार धुळ्याला रिक्षातील चार जणांविरुद्धा गुन्हा दाखल झाला आहे. पोलीस उपनिरीक्षक शांताराम पाटील तपास करीत आहेत.
हे देखील वाचा :
- जळगावात मांजा विक्रीसह वापर करणाऱ्यांवर पोलिसांची कारवाई; ८ जण ताब्यात
- Jalgaon : शेतीतून उत्पन्न नाही, कर्जफेडीची चिंता, घरात कोणी नसताना शेतकऱ्याने उचललं धक्कादायक पाऊल
- जळगावात नायलॉन मांजाची विक्री करणाऱ्या दोन युवकांवर गुन्हा दाखल
- जळगावात चाकूचा धाक दाखवून वाइन शॉप चालकाला मागितली खंडणी; गुन्हा दाखल
- बसच्या धडकेत सैन्य दलातील जवान गंभीर जखमी; जळगाव शहरातील घटना
