जळगाव लाईव्ह न्यूज । २७ जानेवारी २०२२ । शहरातील निमखेडी शिवारातील रामदास पार्क येथून चोरटयांनी घरासमोर उभी दुचाकी व शेजारच्या एका घरातून इन्व्हर्टरसह बॅटरी लांबवल्याची घटना समोर आली आहे. या प्रकरणी तालुका पोलिसात अज्ञात चोरट्यांविरुद्ध गुन्हा दाखल झाला आहे.
सविस्तर असे की, निमखेडी शिवारातील रामदास पार्क येथे शरद भगवान पाटील ( वय ४६) वास्तव्यास आहेत. शरद पाटील यांनी घरासमोर (एमएच १९ डी ०१२२ ) या क्रमांकाची दुचाकी उभी केली होती. २३ जानेवारी रोजी सकाळी ९:०० वाजता घरासमोर उभी केलेली दुचाकी आढळून आली नाही. सर्वत्र शोध घेतला असता मिळून आले नाही. दरम्यान शरद पाटील यांच्या शेजारी राहणारे मिलिंद गंगाधरराव पवार यांच्या घरातील जिन्यात ठेवलेले इन्व्हर्टर सह बॅटरी असा दहा हजारांचा ऐवज चोरट्यांनी लांबवुन दिल्याचे समोर आले. या प्रकरणी शरद पाटील यांनी बुधवारी तालुका पोलिस ठाण्यात तक्रार दिली. त्यावरून अज्ञात चोरट्यांविरुद्ध गुन्हा दाखल झाला आहे. पुढील तपास पोलीस हेड कॉन्स्टेबल हरिलाल पाटील हे करीत आहे.
हे देखील वाचा :
- प्रेमाच्या जाळ्यात फसवून तरुणीच्या धर्मांतराचा प्रयत्न फसला ; जळगावात दोघांवर गुन्हा दाखल
- जळगाव शहरात भीषण अपघात : दोन सख्ख्या भावांचा जागीच मृत्यू
- मुक्ताईनगरजवळ ट्रॅव्हल्स बस आणि ट्रकचा भीषण अपघात ; २ जणांचा मृत्यू, अनेक जखमी
- सुरतच्या तरुणीला लग्नाचे आमिष दाखवून जळगावातील हॉटेलमध्ये नेलं अन्.. पुढे घडलं धक्कादायक
- पोहोण्याचा मोह जीवावर बेतला; दोन शाळकरी मुलांचा तापी नदीत बुडून मृत्यू
