जळगाव लाईव्ह न्यूज । २६ जानेवारी २०२२ । शहरातील रामेश्वर कॉलनी येथील तुळजामाता परिसरात राहणाऱ्या २२ वर्षीय विवाहितेचा ३ लाखांसाठी छळ केल्याचा प्रकार समोर आला आहे. या प्रकरणी पीडितेच्या फिर्यादीवरून पतीसह चार जणांविरोधात एमआयडीसी पोलिसांत गुन्हा दाखल झाला आहे.
पल्लवी किरण शिंदे (वय २२) या विवाहितेस माहेराहून तीन लाख रुपये आणण्याची मागणी करीत सासरच्या लोकांनी छळ केला. १८ एप्रिल २०१९ रोजी पल्लवी यांचे लग्न किरण हरचंद शिंदे (रा. कापुसवाडी ता. जामनेर) यांच्याशी झाले. लग्नाच्या एक महिन्यानंतर पती किरण शिंदे यांनी ‘स्वयंपाक व शेती काम येत नाही असे’ असे टोमणे मारणे सुरू केले. त्यानंतर ट्रॅक्टर घेण्यासाठी माहेराहून तीन लाख रुपये आणावे, या मागणीसाठी सासू, सासरे, जेठ, जेठाणी यांनी त्रास दिला. या प्रकरणी पती किरण हरचंद शिंदे, सासू नर्मदाबाई, सासरे हरचंद किसन शिंदे, जेठ प्रकाश शिंदे आणि जेठाणी आशाबाई यांच्या विरुद्ध एमआयडीसी पोलिस ठाण्यात गुन्हा दाखल झाला आहे. संजय धनगर तपास करीत आहे.
हे देखील वाचा :
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- कर्जबाजारीपणा अन् नैराश्यातून अमळनेरातील तरुण शेतकऱ्याने उचललं धक्कादायक पाऊल
- अट्टल मोटारसायकल चोर पाचोरा पोलिसांच्या जाळ्यात ; चार दुचाकी हस्तगत
- चोपड्यात अमली पदार्थांवर पोलिसांचा दणका; ७ किलो गांजासह तीन तस्करांना अटक!
- जळगावात अज्ञात वाहनाच्या धडकेत दुचाकीस्वाराचा जागीच मृत्यू
