जळगाव लाईव्ह न्यूज । २४ जानेवारी २०२२ । रेल्वे विभागातून निवृत्त झालेल्या वृद्धेस सात वर्षांपासून वाढीव पेन्शनपासून बँकेने वंचित ठेवले होते. या महिलेस व्याजासह वाढीव पेन्शन द्यावी असे आदेश ग्राहक न्यायालयाने दिले आहेत.
केसरबाई रामचंद्र जेठवे (वय ८७, रा. कंडारी, भुसावळ) रेल्वेत नोकरीस होत्या. निवृत्त झाल्यानंतर त्यांना युनियन बँक ऑफ इंडियाच्या कंडारी शाखेतून नियमितपणे पेन्शन मिळत होते. दरम्यान, केसरबाई यांचे वय ८० वर्षे पूर्ण झाल्यानंतर त्यांना ३० टक्के वाढीव पेन्शन मिळणे अपेक्षित होते. त्या रेल्वे विभागाची मेडिकल सेवा घेत नसल्याने दरमहा एक हजार रुपये मिळणे आवश्यक होते असे असतानाही त्यांना युनियन बँक ऑफ इंडियाकडून त्रुटीयुक्त सेवा दिली जात होती.
त्यामुळे केसरबाई यांनी ३० सप्टेबर २०२१ रोजी ग्राहक न्यायालयात अर्ज केला होता. त्यावर दोन्ही पक्षांकडून युक्तीवाद करण्यात आला. सुनावणीअंती न्यायालयाने केसरबाई यांचा अर्ज मंजूर केला. बँकेने केसरबाई यांना वाढीव पेन्शन व्याजासह द्यावी. मानसिक त्रासापोटी १० हजार व तक्रार खर्चापोटी पाच हजार रुपये देण्याचे आदेश न्यायालयाने दिले. केसरबाई यांच्यातर्फे ऍड. राजेश उपाध्याय व लतिब पिंजारी यांनी काम पाहिले.
हे देखील वाचा :
- जळगाव जिल्ह्यात ३१ जुलैपर्यंत पावसाचा ‘येलो अलर्ट’; हवामान खात्याचा इशारा
- रोटरॅक्ट डिस्ट्रिक्ट ३०३० च्या ‘योगपर्व २०२६’ स्थापना समारंभ
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- कर्जमाफी योजनेतून जळगाव जिल्ह्यातील तब्बल ‘इतके’ हजार शेतकरी अपात्र?
- प्रवाशांना दिलासा ! जळगाव-भुसावळमार्गे धावणाऱ्या ‘या’ विशेष रेल्वे गाड्यांना मुदतवाढ
