‘हिंदुस्थानी भाऊ’ उद्या जळगावात, सभागृह नेते ललित कोल्हेंना देणार शुभेच्छा

जळगाव लाईव्ह न्यूज । २० जानेवारी २०२२ । सोशल मिडियातील प्रसिद्ध सेलेब्रिटी आणि बिग बॉस फेम हिंदुस्थानी भाऊ म्हणजेच विकास पाठक उद्या दि.२१ रोजी जळगावात येत आहेत. माजी महापौर तथा विद्यमान सभागृह नेते ललित कोल्हे यांचा दि.२२ रोजी वाढदिवस असल्याने त्यांना शुभेच्छा देण्यासाठी ते जळगावात येत आहेत.

विकास पाठक हे नाव ऐकून तुमच्या डोळ्यासमोर कोणी आलं का? मग ‘हिंदुस्थानी भाऊ’ म्हटल्यावर नक्कीच तुमच्या नजरेसमोर एका तरुणाचा चेहरा आणि त्याच्यावरचे मीम्स धडाधड आले असतील. ‘पहले फुर्सत में निकल’ असं म्हणत सोशल मीडियावर धुमाकूळ घालणारा हा पठ्ठ्या ‘बिग बॉस 13’ मध्ये वाईल्ड कार्ड घेऊन आला आणि सर्वांच्या पसंतीला उतरला होता.

आपल्या हटके स्टाईलने अनेकांना घायाळ करणाऱ्या हिंदुस्थानी भाऊचे सोशल मीडिया आणि प्रत्यक्षात लाखो फॉलोअर्स आहेत. जळगाव मनपाचे माजी महापौर, सभागृह नेते ललित कोल्हे यांची हिंदुस्थानी भाऊसोबत घट्ट मैत्री आहे. ललित कोल्हे यांचा दि.२२ रोजी वाढदिवस असून त्यांना शुभेच्छा देण्यासाठी ‘हिंदुस्थानी भाऊ’ उद्या दि.२१ रोजी विमानाने जळगावात येणार आहे. इतकंच नव्हे तर रात्री जळगावात मुक्कामी थांबून ते ललित कोल्हे यांना शुभेच्छा देऊन त्यांच्यासोबत वेळ देखील घालवणार आहे.

हेही वाचा :

• जळगावात वाहतूक पोलिसांची २४ अल्पवयीन चालकांवर कारवाई, सव्वा लाखांहून अधिकचा दंड
• कागदात गुंडाळून वडापाव विकला अन् बसला ५ हजारांचा दंड; जळगावात कॅन्टीनवर FDA ची कारवाई
• मोजणीच्या कामासाठी शेतकऱ्याकडून ७१ हजारांची लाच; जळगावातील भूकरमापकासह डेटा ऑपरेटर एसीबीच्या जाळ्यात
• जळगावात २ ऑगस्टला ‘सुहीनी जोडी’ सांस्कृतिक स्पर्धेचे आयोजन
• जळगावात घरफोडीचा गुन्हा उघड ! दोन अट्टल चोरटे जेरबंद; ७० हजारांचा मुद्देमाल हस्तगत